2009年9月29日星期二

山口式 - Getter Dragon


前篇介紹完Neo Getter 1,今篇介紹埋同期推出的Getter Dragon.OVA「真三一萬能俠・世界最終之日」第一話中登場既量産形機.想當年此話一播,Getter vs Getter的情節帶給fans無比震撼,到現在重看仍感非常熱血呢!!


Box Art & Packing





上色及QC不俗.黑色滲線亦處理得幾好,唯獨雙眼滲線比較粗,自己第一眼望落去的感覺是有點似小丑化妝.






配件有替換手三對,射出Getter Beam的替換,Getter Wing,斧頭一對,可轉動雙斧及地上火花.



Getter Wing只需安放在肩後便可,而且十分穩陣.




把玩斧頭時小心一點,斧頭刺非常拮手.





雙斧配插上底座便可轉動,重現絶招 - 三一飛斧!!




必殺 - Getter Beam!!



配合地上火花能増加視覺效果.




雖然以可玩性計Getter Dragon是比Neo Getter 1遜色,但在我心目中,紅色的Getter才是皇道呢!!



2009年9月27日星期日

阿女&表姐@樂富

今日約埋表姐同婆婆一齊去樂富拜姨媽,跟住梗係行一陣商場先返屋企啦!!



返到屋企後阿女先做埋個視覺藝術功課,跟住就輪到Ava玩美女廚房!!今次係Ava第一次學人整壽司,估唔到又整得好好食喎!!我同阿女都一致俾 十分!!



2009年9月26日星期六

PSP go 試玩後感

今日行過旺角街頭,驚見有PSP go既試玩promotion,作為機迷既我黎講,吸引力絶對比揸機既姐姐仔大!!



正如宣傳口號所講「輕薄小巧」,部PSP go和UMD版及NDS Lite比真係輕左好多.當然衆所周知size及畫面亦比UMD版細啦!!



畫質方面的確比3000機靚和鮮艷!!淨係睇第一張相,係日光下阿姐姐仔揸住部機,影出黎個畫面都仲係咁靚就知有幾勁啦!!至於部機一推開便進入menu,合返埋就會自動進入待機clock mode.



跟住講手感,如果淨係用冬菇掣或十字掣是但一樣,就真係冇乜問題,感覺幾好!!但如果要玩如MHP般要兩掣兼用既game的話,我諗我會用返舊機玩算!!因為個設計真係好唔就手,試玩五分鐘我刻意兩掣同按,發覺個手形有D似你做個OK手勢咁.你試吓姆指食指同時咁郁動就知有幾困難,唔好忘記仲要用隻中指按L掣,真係隨時玩到手抽筋......



從討論區得知美版機已偷跑,開價$1998,至於行機則10月1日開售,定價$1899.講真我對呢部機個前景真係唔係咁樂觀!!機價貴,DL game價錢亦只是平UMD少少,加上手感亦不見得好,實在冇一樣吸引到一班舊機主去換機,至於可以吸納到幾多新機主,呢樣真係要拭目以待.但如果有得比我揀,我會買3006機或者傳聞中將推出既4000機,都一定唔會買呢部PSP go囉!!



2009年9月23日星期三

山口式 - Neo Getter 1


山口式好像很喜歡出Getter系列,之前已出了六隻(未計特別版),今個月又出兩隻,今次就先介紹OVA「真三一萬能俠 VS Neo三一萬能俠」中登場的機體,由一文字號駕駛的Neo Getter-1.


Box Art & Packing





今次在上色方面keep住了之前天元突破系列既高水準,QC方面我今次就真係中哂招,竟然出現兩隻左脚脚板,可悪啊!!





Getter Dragon相比,Neo Getter-1的賣點絶對是配備了大量配件,可玩性十分.替換手有六對,兩隻配合使出Chain Knucle的拳頭及手掌.兩種爆風,膠制鐵錬,及各式武器.



各式武器包括:板形機鎗




匕首可收納腰後,在山口式上是比較小有的設計,但要注意把匕首會好容易花.




飛彈巧妙地運用balljoint便能收藏於背包,値得一讚.




Chain Knucle配合爆風非常有動感,但小心鐵錬比較幼身,有扭斷的危機.




Plasma Thunder則用上透明部件.





間唔中便見有人買山口式遇上相同手脚既個案,但估不到今次出現在自己身上,睇怕下次買時真係要睇清睇楚



2009年9月20日星期日

魂shop限定-S.I.C.異魔神 NEGATAROS (黑桃子)


雖然一早就知呢盒shop限定係呃錢居多,既然早前已入紫電王,當然要入埋隻桃啦!!


Box Art & Packing




在第二輯劇場版「幪面超人電王 & Kiva Climax刑事」登場的歹角.SIC化後的黑桃子外形和原著差不多,頭上牛角及雙手的刺尖均特顯其邪惡造型.但今次上色可以話認真麻麻,紅色部份有頗多出界.QC又係麻麻,我買時開的第一盒便有一大點脱油出現在右邊面,幸好有得開過第二盒,才不用捱sad.





因為骨架是用回之前的電王系列,所以活動能力和桃塔羅斯一樣.




配件有三對替換手及其配刀.







玩吓對決先.




呢對限定組合真係哂邪惡,殺到我一頸血!!下一隻超電王就只係送你一對翼,真係要諗一諗入唔入好……