1/60 「Z」三頭像

早年為配合新劇場版而推出的1/60頭像,手功精細.毎款均有兩種顏色,自己則選擇原色.幸好沒有系列化,吾係真係大件事.

MSZ-006 Z Gundam

RX-178 Gundam MK II

MSN-100 百式

後記 : 雖然自己都算係幾鍾意Gundam,但自己擁有關於Gundam的玩具真係十隻手指數得哂都仲有淨!!之前買落D Fix,搬屋果陣時送哂俾friend, MIA只係得RX-78,紅勇同埋隻GP-03大貨櫃.至於那些MG, HG, HCM PRO,毎次拿到上手,總是提不起意慾,到最後也只是乖乖放下!!難道真係年紀大左,連口味都開始轉……

阿女的新長笛

阿女而家返緊長笛暑期班,點知用左吾夠半年果支大陸製長笛因為漏風吹吾到音.整返都要幾舊水咁貴,不如買過支新既好過!!呢支YAMAHA FL221是初級用,而且仲有一年保養添.阿女!!快D吹首曲黎聽吓啦!!

特別鳴謝叔叔嬸嬸幫忙,咁先至有八折優惠,Thank You!!

拍拖睇Batman

尋晩兩公婆拍拖去左睇Batman – The Dark Knight.諗返起對上一次應該係睇007掛.自從阿女升左小學後,呢D咁既活動對我地呢講真係成為了奢侈品.説的當然不是錢銀問題,而是時間!!所以現在阿女放暑假,同時亦係我地放假既時候.到一開返學,我地又會周身吾得閒架喇!!

回説套戲,真係好好睇!!Heath Ledger真係好搶,語氣,小動作,表情都一流,而且不只癲,仲充滿智慧,真係將Joker呢個角色活演出來(可惜已成絶響).而且成套戲帶出人性的道徳觀念亦値得人反思(由其係郵輪果段).另外好記得一段對白：「英雄不一定要受萬人景仰,當世界需要你時,你的出現會有人歡呼,但當世界不需要你時,你就只是被人追打….」充份表達出Batman這個悲戲英雄的處境.

P.S. 將來出BD真係要買黎收藏!!

 

阿女＠冒險樂園

今日Ava要交一份5000字既assignment,搞到成日好似閉關咁不停咁做做做......佢有叫我地兩父女去行吓街架!!咁我地咪食完下午茶,去冒險樂園玩左陣囉!!而我地已經諗左下星期去邊啦!!就係去行書展喇!

神奇小子一號@Medicom VCD series

PVC製,只可左右扭動頭部.因為淨係鍾意1號,所以只買了一隻.當年係亞視播映時自己還是一名小學生,最記得一定係個替身機械人,按一按個鼻就變成和徳仔一模一樣的替身,跟住頭碰頭就可以將D記憶過返落真身度.細個果陣時真係有幻想過有個咁既機械人就好啦!!有時真係覺得,小時候的動畫,雖然故事簡簡單單,畫面上當然亦不比現時華麗,但就往往令人留下深刻的印象,二三十年後回想起也能令人回心微笑呢!!