Macross F VF100's - VF-25F 早乙女機

雖然是近日才正式開始睇Macross F,但已經有小小中毒跡像了.而關於此動畫之玩物,攻勢亦開始越來越猛烈!!自己最想入既都係早乙女同隊長機,而DX合金一直未出手係因為想等埋連有pack版,至於模型又不作考慮,所以就買這盒VF100's系列止一止心癮先.

Box Art & Packing

作為此新系列的第一彈, 比例屬1/100,用料為ABS樹脂膠.先介紹Battroid Mode,不論造功,上色及Detail位都十分令人滿意.

活動能力方面,因為變形關係,原先關節位是有點鬆,但正如Hathaway兄所言,用上AA膠後改善不少,balljoint的可動性亦十分強.

配件方面合共有四對替換手,槍兩把及一柄匕首. 變形方面,一早便知要靠拆件換件,所以有哂心理準備.亦因如此,玩落反而没想像中差,只要變形時小心處理一些較小部件便可.

Gerwalk Mode – 因重心向前,加上要解開扣着機身的大腿小部件,令其比較難站穩,很容易便變成八字脚,令此模式失色不少.

收起雙手,發軟蹄的情況會有所改善.

Fighter Mode – 手脚均互相扣着,十分實淨.雖然起落架亦需要靠換件,但在三種模式中,最令人滿意一定是戰機了!!

正所謂「將價就貨」,所以我對VF100's没要求太多,有得玩齊三種mode已足夠.要玩完全變形,我會等DX合金連pack 既Box set先出手,所以六月盒VF-25S連Full Armor已一早落訂了!!

阿女@沙田&青衣

今日我地去左沙田拜姑婆,同尋日比真係算少左好多人喇!!跟住我地就行一田,果度正宣傳緊套新戲「天煞撞正怪怪獸」.阿女已經話復活節要睇呢套戲,仲要睇3D版添!!

既然黎得沙田,緊係要坐埋船先肯走啦!!

返到黎青衣城,因為消費過100蚊,阿女可以玩Smiley World入面個彈彈床,仲話復活節要同表姐再玩多次添!!

阿女@4月4日兒童節

今年既兒童節同清明節撞正同一日,所以我地先約埋公公婆婆同表姐去拜山先,跟住就一齊去食泰國野,仲叫左好多野食添!!食完野後同表姐行左陣吉之島,阿靚仔Uncle仲一人送左一個[極級羅素]俾兩個細路,兩個即時拆開係個門口玩左陣先肯走添!!

同表姐講完拜拜後,我地就轉戰去荷里活廣場,皆因瑞記走左去果度搞開倉,其實一早都知無野睇,加上入面D價九成同斗斗城一樣,所以淨係扭左廿個一蚊扭蛋就走人!!到左夜晩,話哂今日係兒童節,阿女緊係要叫返個兒童餐食應吓節啦!!

Tamashii Nation 2009限定 - 聖衣神話十二宮金銀圓牌

今年魂Nation既神話限定,自己真係中到應一應.由其係雙子胸像,雖然明知係昆水之作,但個價炒到上天,真係吾値,希望黎緊個C3會有驚喜消息啦!!至於另一限定「十二宮金銀圓牌」,就因為俾我見到個靚價(剛好十三算),仲要最後一盒,真係俾錢都俾吾切啦!!不過話時話,自己仲有一大疊港版鐵牌不知如何處理呢!!

MEDICOM RAH – 超級撒亞人 孫悟空

又是一份遲來的報告.因市面上没其他龍珠1/6 Figure可和Medicom作比較,加上一早就落了訂,雖然明知有爆胸危機(幸好之前果隻危機仲未出現),但既然係龍珠Fans,亦只好逆來順受吧!!

Box Art & Packing

論面相Medicom真係造得十分出色,頭髪雖然由原先官圖的金黄變成現時的淡黄色,但細看下其實淡黄中亦帶有少許漸變金色,算叫做可以接受既!!

Body同之前隻悟空一樣. 所以同樣自行加粗了大腿.替換手則多了一隻能重現「瞬間移動」的右手.至於個胸,就好似比之前大左少少,搞到條腰好似好幼咁,但只要大家看回漫畫上的造形,不難發現悟空的身形其實真係同現時Medicom造出來的差不多,只是因為實物化後,大家才覺得有少少不合比例(好像有點自圓其説).

撇除爆胸因素,其實Medicom都算叫做交足功課,至少我覺得好過剛剛出的RX…..