因為尋日去迪士尼玩到個人好攰,所以今日差唔多成十二點先出青衣城食野兼換遊戲券(阿女話等埋聽日同表妹一齊先去跳彈彈床喎!!),而今日我地我地個目的地,就係自從上一次去完之後阿女已經間唔中就問幾時可以再去,加上表姐又未去過既 - 馬灣喇!!
對兩位小公主黎講,有個沙灘堆吓沙已經可以玩足半日,所以我同Ava都好悠閑,坐係張沙灘席,吹吓海風,幾舒服!!
玩完沙,我地就上馬灣公園.原本諗住玩返上次玩過玩既縄網陣,點知要星期日先開,無得玩!!咁唯有周圍行吓影吓相啦!!
玩完返黎就做返少少正經野,就係去屋企樓下間補習社試下上英文堂.不過阿女同表姐都異口同聲話個Miss麻麻地.
夜晩食飽飯落埋格,就去鐵皮屋買宵夜食,仲見到一樣好特別野,就係呢隻吹波糖,白色係呍呢拿味,吹完會自動變硬,幾得意架!!
假期第一日,我地一早就諗好左節目:就係入迪士尼玩喇!!(對上一次去已經係年半前)我地大約十一點入場,一入門囗原本諗住同Mickey & Minnie影相,點知話要排一個鐘喎!!阿女同表姐聽到即刻話唔排要去玩,咁唯有擺完個星級徽章即刻去玩囉!!
照慣例第一樣玩一定係巴斯光年,今次阿女勁左好多!!平時攞開L-1既竟然攞到L-3,仲高分過表姐添!!然後就去玩Space Mountain, 阿女同表姐已經唔係第一次玩仲話一D都唔驚添(之前同舅父仔去已經玩過),反而我同Ava就係第一次玩.至於最後邊個最驚青,大家睇相啦!!哈哈!!
到排馳車天地時(係香港係第一次玩)竟然發生機件故障要暫停,好彩唔係停左好耐,但係點解可以成日撞車呢??同小欣Leo會合後就玩UFO地帶同幸會史迪仔,計返竟然可以未到兩點前就已經玩哂成個明日世界喎!!
玩完一輪都係時候同卡通人物影相留念.有岩哂兩位靚女既Marie同主角Mickey,都算叫交左功課喇!!
食完個Lunch,睇埋巡遊,就去睇我地一直想睇好耐既Golden Mickey,真係好好睇!!睇完三個細路仲係門口分彩帶添!!
再行去玩小小世界,已經開始日落了.
途經城堡,先到諗起入左黎咁耐仲未影相喎!!
再過探險世界去坐木筏上泰山樹屋,回程時同個職員玩遊戲仲送左好多貼紙添!!
最後玩埋河流之旅,睇埋3D,Winnie the Poon同煙花先至走.其實今日唔算太多人,好多遊戲最多都係排半個鐘就有得玩,比起上次算叫做玩左好多野喇,抵哂!!
聖衣神話-天馬座星矢(新生青銅聖衣)~Broken Version~在日本是「聖鬥士聖衣大全」的誌上限定品(應募時間是2008年8月至10月),而香港就有行貨.聖衣形態和2003年出的版本比較,最明顯的分別是馬頸較長.而戰損的聖衣可以換件呈現兩種破損程度.但因加上裂痕,發覺聖衣間很多隙位的電鍍均上色不足,不要以為是港版問題,看過其他日本網站介紹亦出現同樣情況,實在令其大打折扣......
Box Art
聖衣形態
天馬星座聖鬥士
姓名：星矢 Seiya
年齡：13歲
身高：1.65米
體重：53公斤
生日：12月1日
血型：B型 出生地：日本
修煉地：希腊聖域
師父：天鷹星座魔鈴
絕招：天馬流星拳、天馬彗星拳、天馬回旋碎擊拳
