婆婆母親節快樂

今晩同婆婆慶祝母親節,Queenie姐姐送左束花去婆婆間公司,搞到婆婆開心到見牙唔見眼!!表姐同阿女都有送小禮物,點知婆婆掉返轉頭送幾份禮物俾兩個小公主!!真搞笑!

Humable Movanize Model – 閃光高達

眼鏡廠 Banpresto景品 Humable Movanize Model 第三彈.之前係C3用十蚊夾來的收獲,第一次接觸這系列,估不到現在的景品,已有如此高質數.

Box Art & Packing

造型為Shining Gundam 的 Super Mode.上色不差,自己加上少少滲線,整體表現比起以前的MIA系列更好.

活動能力方面可謂十分驚喜.小小的景品,全身用上ball joint及多重關節,擺pose全無難度.

配件除本身拳頭外,就只得一對手掌作替換.係就係少左D,但超可動範圍足以彌補一切.

必殺 - 閃光掌

搞到有少少想入埋之前出既神高達及東方不敗添!!

阿女@荃灣廣場

今日晏晝我地去左荃灣廣場行街街,果度有個日本食品展,仲有三個攤位遊戲玩!!只要用電子貨幣消費就有得玩,仲唔限銀碼同次數添!!所以Ava買少少野都用八達通,無記錯阿女total玩左十次有多!!

第一個攤位係用板打羽毛球,亦係阿女玩得最多既一個遊戲!!結果真係有一球俾佢打左入小洞,贏左個唱K小魚仙公仔!!Yeah!!

第二個係日式陀螺,不過真係有少少難度,連我都玩唔掂!!

第三個就係筋肉擂台環節,有兩次機會.不過果五舊野實在過輕,所以基本上打第一個已經全部跌哂落黎,係無可能打得哂,我地亦都係,純綷貪得意玩吓!!

夜晩就去左Pokka Cafe食,不過 d service 就真係認真麻麻.....

阿女@五二佛誕假

原本今日諗住入長洲睇吓太平清醮,點知因為一個豬流感即刻打退堂鼓,咁同爺爺嫲嫲飲完茶後,Ava就提出不如又去踩單車啦!!上次踩完大尾督,今日因為都幾晏先入到去,所以就只係沿住大埔海濱公園一路咁踩,但咁都踩左兩個鐘喎!!

踩完單車食返支吱吱冰,真係透心涼啊!!

阿女@五一假期

今日一朝早阿女就要去上芭蕾舞既G2模擬考試,不過可能阿女因之前測驗考試無上幾堂,所以被老師話唔係好熟.

跳完舞後就約埋River同謙謙去新世紀個公園同冒險樂園玩.話哂都岩岩測完驗,即刻成個人放鬆哂!!

同River say goodbye後我地再去圓方個公園玩,仲巧遇一個兩歳大既BB,由初初唔係幾肯同佢地玩,都最後玩到唔捨得俾阿女走,真係好好笑!!