唔覺唔覺兩年幾!! ^_^

原本諗住玩玩吓,但唔經唔覺寫左兩年幾Blog,今日先留意到原來已經寫過500篇喇!!真係連自己都驚訝自己竟然有此耐力!!係呢度多謝各親友及Blog友既支持同留言!!而因為「玩物喪誌」篇數已累積一定數量,有時連自己想search返篇blog都覺得幾麻煩,所以決定替其再分類.「玩物喪誌」除左原本既聖衣神話篇外,會分多三篇 : Robot篇, 特攝・人偶篇及遊・玩篇.希望幫到自己之餘亦可以為各blog友帶來方便!!最後再一次説聲多謝,由其係認識到一班志同道合,鍾意玩物既blog友!!

東映限定 - S.I.C.幪面超人電王 超Climax Form

之前明明同自己講要諗一諗究竟入唔入今次呢隻超電王,誰不知好衰唔衰上星期走去download套劇場版「超・幪面超人電王&Decade」睇,俾佢果幕Rider Kick吸引左,結果display櫃又多一隻電王了!!

Box Art & Packing

幪面超人電王 超Climax Form – 於劇場版「超・幪面超人電王&Decade」登場.以桃塔羅斯為主體,集合桃,浦,金,龍塔羅斯及齊格力量的最強形態.和Vol.47出的Climax Form比較,除左多了一對翼,額頭亦多了代表齊格的W形標誌.另外上色亦比較sharp.

就係這隻鷄翅膀,又搞隻限定出黎!!不過的確用上透明藍部件所出來的效果真係幾靚.

配件方面,有組合武器デンガッシャーパーツ及替換手6種.不過竟然缺乏重現浦,金必殺技的配件就有點兒過份!!

活動能力方面,大致和Vol.47一樣.就算多了一雙翼,亦無阻雙手的活動範圍.

已經係第18隻S.I.C.電王産品,究竟Bandai幾時先肯出埋Wing Form同New電王??眼見坊間已經有自改既New電王賣,真係有少少忍唔住想入返隻玩!!

留係屋企做Project

原本諗住測完驗今個星期可以去行街街鬆一鬆,誰不知阿女後日又要交份科學探究Project,唯有乖乖地留係屋企,完成左份功課,夜晚先去葵芳食飯,兼睇吓藍寶石王子聖誕裝飾啦!!

至於個 project 仲要做埋個太陽能小風扇,好彩有River幫手,唔係都唔知點完成!!

UCC EVA 人類補缶計劃

今日行入7-11諗住買野飲,就見到佢地!!仲記得當年自己都有 1 set,而且仲keep左堆罐好耐添!!今次為配合宣傳「劇場版 : 破」而再次推出,見有齊三位女角,又買黎儲吓先!!

日本真係,乜鬼都有限定.....

[PSP] - Gundam vs Gundam Next Plus

超期待之作「Gundam vs Gundam Next Plus」終於推出,尋日熟舖打黎話留左隻俾我,Lunch Time即時飛出去攞!!!今集合共66台機體,系統上取消左地圖炮G Crossover,加入盾防禦及全新既類似Seed系覺醒動作cancel – Next Dash System,令攻撃更多變化及節奏更緊湊.至於任務模式 - Next Plus Mode,除mission外,亦有重現各名場面既關卡,誠意度十足,另外透過完成任務賺取經験値及CP,可升機體level和買新機體,以増加耐玩度!!經過尋晩既努力,六台隠藏機及路線已成功取得!!而家向Mission全破進發!!

六台隠藏機及路線取得方法:

先爆機一次,出現新路線 I

爆 I 路線,出現新路線 J ,取得隠藏機 自護號

爆 J 路線,出現新路線 K ,取得隠藏機 天意高達

爆 K 路線,取得隠藏機 OO Raiser

選揀未打爆的路線,例如:打爆A,I,J,K,選B路線,如此類推打爆可順序取得隠藏機 Reborn, The O及刹帝那

最後爆哂A~K,便出現最後路線 L.