早兩星期先有黑雨,今日就輪到風神既8號波.其實尋晩咁早掛8號都估到應該有半日假架啦!!個衰天文台又點會肯掛足一日呀!!果然,朝早6點幾一開電視見到個8字就即刻撻返落床,到8點幾阿女走入黎先起身.睇新聞講話個廢天文台會係中午前掛返3號喎!!咪約埋阿妹一家齊齊去稻香嘆埋茶,12點幾先搭車返工!!呢半日假就係咁過啦!!
2008年6月24日星期二
另類收藏
在自己的收藏品中,有兩件係自己一直好好咁收藏.佢地唔係d咩野超合金,而係一幅畫和一個簽名.兩幅同時間都係96年漫畫展時入手的,已經收藏左成十二年啦!
先説這幅,是日本著名漫畫家井上雄彦的簽名.諗返起當年攞呢個簽名真係有d好彩,我同個friend一起去排,記得當時天下搞個排隊都幾混亂吓,仲突然間話截龍,好彩我就入到去,我個friend就慘囉!!比人迫左出黎!!到輪到我揸住張簽名版俾井上簽名時,個心情真係好興奮啊!!所以一拎到返屋企,即刻就用個Puzzle架表起佢啦!!
至於呢幅就係我地香港既著名漫畫家邱福龍先生所畫既小魔神主角-冥泣.自己一向有睇港漫既習慣,同其他人一樣,由鐵將開始就睇龍少D漫畫,睇到而家神兵4仍繼續支持緊!!記得當年排隊時自己啱啱排最尾,龍少可能見我係最後一個,又揸住咁鬼大塊畫布俾佢嘆,都知呢條友仔吾係淨係攞簽名咁簡單架啦!!果然一聽到我話可唔可以劃幅畫時,即時諗都唔諗,就已經開始落筆!!將近埋尾時,龍少仲開金囗問我：「你叫咩名呀？」,跟手就寫上To ANGUS呢幾個大字上去,嘩!!真係開心到不得了!!呢幅屬於自己,獨一無異既小魔神頭像畫就咁誕生,真係有錢都買唔倒啊!!
2008年6月23日星期一
2008年6月22日星期日
2008年6月20日星期五
Annual Dinner
公司終於都大裝修!!呢個Project可以話拖完一年又一年.而家終於都肯動工啦!!要成兩個半月先正式開返工.上面班大帝有D放長假,有D就改去其他club返工.我地呢d office人,當然留番係度啦!!
今晩搞Annual Dinner,仲放3點添!!真係未試過!!今年因為裝修,所以全部人一齊食,仲玩埋D無聊遊戲添!!真係有d悶!!如果吾係因為抽獎,真係吾想去啊!!
訂閱：
文章 (Atom)