阿女@香港花卉展覧2009

今日同爺爺飲完茶,就去左銅鑼灣睇香港花卉展覧2009.今次個主題大部份都係環蹺著黎緊即將舉行既東亞運動會,所以到處都見到果兩隻吉祥物「東仔」同「亞妹」.

阿女仲好好彩遇到真人扮既公仔添!!

現場有得寫感恩咭,阿女就寫左呢張俾我地喇!!

其他花同公仔都好靚好得意架!!

呢幾張相係阿女操刀影架,都吾差架!!

貴為健康大使的阿女

早兩日阿女收到通告被邀請成為學校既「健康大使」,今日就由老師帶隊,聯同其他健康大使一齊去百佳搜隻關於「垃圾食物」既食物標籤,而收集返黎既資料,遲D仲要响早會時向其他同學介紹添!!

figma - 柔王丸 [原作版]

「模型神童三四郎」絶對係有返咁上下年紀既人(自己)的童年回憶.小時候已追看亞視,還記得擁有過柔王丸及魔人盒模型,早已對其留下情意結.早前EX合金出果隻柔王丸其實係非常想擁有,因為其外形及比例都十分出色.點知…..記得當時第一日出已飛出去賊船諗住入手,但開左兩隻都真係完全揀吾落手,不是上色一撻撻就是油出界,加上拿上手輕飄飄,最終打消念頭放棄.現在這對figma,算係彌補返早前的失落吧!!

Box Art & Packing

回説figma出的柔王丸,外形同樣參照漫畫版,但和原作分別頗大,造型偏向美型化.手臂刻意製造肌肉感.而為遷就活動範圍,削減上身及手臂少許内位有點美中不足.

活動能力不俗,關節實淨.脚板位比櫻姫大,無需支架亦企得十分穏陣.

配件方面,合共有四對替換手,三種面相及支架.

希望將來會有廠商可製作出一隻完美的柔王丸,我一定會乖乖上釣的!!

figma - 櫻姫 [原作版]

雖然已入手超過一個月,但也是近日才正式開盒把玩,算是一份遲來的報告吧!!今次係第一次接觸figma系列,可以話完全係因為被「模型神童三四郎」所吸引.幸好總算没有讓我失望.今次就先介紹櫻姫,下篇才到柔王丸吧!!

Box Art & Packing

外形參照漫畫版造形,再由淺井真紀作監修,和原作有少許分別.身形線條亦比較纖瘦.

配件方面,合共有四對替換手,三種面相及支架.講起面相,其中一個白眼是為未起動模式,但實情又有多少人會用這面相作display呢?真係情願figma俾多個萌D既表情好過.

活動能力不俗,而且關節實淨,要擺出靚pose可謂全無難度,加上不像山口式般扭到格格聲.感覺上figma出的人形真係幾好!!但因脚板位細少,比較難站得穏.

比較之下,櫻姫係出得好過柔王丸,始終figma是靠出女figure出名吧!!