阿女@朗誦節2009

前年阿女參加獨誦中文,今年再接再勵,參加英文獨誦既比賽!!今次唔算練得耐,練左一個月就要比賽喇.

今日係第一日比賽,阿女仲要第二個就上場,心情自然好緊張!!臨入場前都要練多次俾Ava聽.

派成績啦!!阿女有82分,係優良奬,比第三名差兩分咋!!下年阿女仲話會再去參加喎!!

阿女@渣打藝趣嘉年華

上星期因為要温中英文默書,所以留係屋企閉關.今日見阿女前兩日一早做哂D功課,所以就一齊去維園個渣打藝趣嘉年華玩喇!!

一入場即刻去排隊紮辮,不過揀正個姐姐幫阿女紮得好求其吓.

可惜天公不造美,去到冇耐已開始落雨,結果玩左兩個幾鐘,整左個印度搖搖鈐,同玩吓紋身就要走囉!!

食晏我地今次去左銅鑼灣間八八八北海道拉麵專門店,試返個鹽味叉燒拉麵.

行完超多人既SOGO就返屋企,夜晩去PIZZAHUT食新果款星芝批,不過味道一般.

ALTER - ARX-7 ARBALEST 武器篇

上一篇介紹完其壯絶的關節設計,今篇延續介紹配件及武裝.

配件如下 : 五對替換手,座台, λ-Driver換裝配件及各武器.

武器包括 : M1067爆彈 - 收納在腋下裝甲内. 配件有兩顆.因太過細粒,所以廠方已將其中一隻替換左手注模握着一顆,就算玩家遺失兩顆,仍有隻造型手作後備.

M1108 對戰車投擲用小刀 - 平時刀柄收納在腋下裝甲内.配件有兩柄,而且同樣有一隻替換右手注模握着一柄.但可惜是小刀不能安放在口部,重現咬刀仔的場面.

GRAW-2 單分子切割刀 - 配備刀鞘.配件有兩柄,可同時安裝在腰旁及股間.

OTTO/MELALA "BOXER" 57MM 霰彈鎗 - 可安裝在股間.手工精細,可上膛,更配備折叠型鎗托,以配合不同情況下使用.

λ-Driver - 一個能充份發揮ARX-7機能的系統.玩物本身的肩部已可作完全變型,但因過程比較複習,而且需要連接頗多小部件,所以配件中另附一個已變型的肩部給玩家直接替換,轉成λ-Driver模式.如此體貼玩家可見廠方十分有誠意.

一路都只寫優點,其實此玩物亦有其不足之處.如上述所寫不能重現咬刀仔的場面外,換上λ-Driver肩膀後,雙手的活動範圍會有所減少,另外雙脚的活動亦有少少不夠靈活,如能在大腿位置加上横向轉動關節就完美不過了!!

總括而言此玩物絶對係FMP迷夢寐以求之物.不論造工及可玩性均非常令人滿意,難怪雖然定價偏貴,仍不乏大量捧場客.黎緊下月輪到山口式會推出ARX-7,而且更以大量配件作賣點,到時一於買返隻黎粗玩先!!

ALTER - ARX-7 ARBALEST 可動篇

驚爆危機 Full Metal Panic (簡稱FMP),這套超過7年既作品,近年不知為何各玩具廠商均推出其産品.先是一年前山口式推出幻之機體ARX-8,繼而是Alter今年5月推出既1/60 ARX-7,黎緊Robot魂更推出Side FMP系列,人氣可以話一時無兩.而今次介紹既,便是我上述所講三大廠商出既其中一台-ALTER ARX-7 ARBALEST.

Box Art & Packing

比例為1/60,全高約15cm.全PVC及ABS製.拿上手的第一個感覺係用料同價錢完全成反比,Yen價過萬但拿上手係有如模型般輕身,好徒也給回少少金屬部件吧!!但當仔細把玩過後,便發覺這台ARX-7絶對係物有所値.

上色及滲線表現出色,機身上的水印亦相當精細.

活動能力方面,肩位採用三重關節,雖然角度不大,但已足夠做出撟手的招牌動作.

手胶位内藏隱藏活門.下圖顯示左手没用活門下只能屈曲約90度,而右手則是運用活門而大大提升了屈曲角度,而且活門加入連動設計,當雙手伸直,活門便會自動彈回原狀.這設計不但没影响外貌,而且又能増加活動能力,値得一讚.

雙脚同樣擁有隱藏活門,只需將大腿裝甲推下便能増加雙脚的提高角度,跪下動作做得很自然.而且平衡力做得好好,不需支架亦能單脚企穩.

股間關節的設計更是一絶.平時上鎖時非常實淨,運用配件中的小工具解鎖後,便能做出坐下抱膝的動作.實在不得不驚訝開發人員在各關節設計所下的心機.

Gimmick方面,腋下裝甲可打開,内藏刀柄及手榴彈.

背甲可打開露出機件.

拉出胸前裝甲,再打開頭部,藏有駕駛艙,重現待機狀態,而且更可看見相良宗介!!

下篇再介紹埋武器篇.