今日開始放聖誕假期,我地一早就已經安排左一連串既節目,俾呢兩位大帝由朝玩到晚啦!!
一朝早食完個早餐,先去青衣城度做個小手工 - 馬塞刻小相架,黎熱一熱身!!
跟住就係今日既主打節目 - 數碼港聖誕嘉年華2009.買左廿張遊戲劵(十送一),平均毎個遊戲用三張飛.阿女同表姐第一個係玩返上次已玩過既大包山!!
之後就玩高速大滑梯,但阿女改左個名叫十米高台!!因為真係好高吓,表姐仲話個pet pet好似離地咁,差不多直落咁跳落黎!!睇佢地玩到面容扭曲就知有幾驚啦!!
玩完個刺激萬分既跳樓遊戲後,玩返個小兒科既巨人滑雪梯平復一下先!!
玩完室外遊戲餘下四張飛,入室内抛吓波仔玩埋佢!!既然一場黎到,就梗係周圍影吓相喇!!
坐返小巴出銅鑼灣(個小司機開得好快,吓吓都八十,唔洗兩個字就落車囉!!),去Times Square影吓幾米,仲撞見聖誕老人添!!
最後去八八八食拉麪聖誕大餐,第一日既假期就始玩完!!
一次偶然的機會,係Youtube睇過係日本Disney Channel既原創動畫Fireball,雖然毎集場境一樣,又聽唔明講乜,但就已經俾入面位女性機械人 – Drossel 吸引左.這盒Fimga – Drossel是在年中時推出的,但瞬間已被炒起.直至近日終於有貨返,而且價錢更回落不少,所以就接左呢位大小姐回家喇!!
Box Art & Packing
白色外殼加黑色骨架,長長既孖辮.有如發光的眼睛,就是如此簡單的設計,便成功俘虜左不少人的心.
活動能力相當不俗,配合腰間的 balljoint 關節,輕易便能擺出妸娜多姿的動作!!
配件方面亦非常豐富,合共五對替換手,一本書及兩款頭部換件,來呈現兩種替換unit.
先介紹格鬥unit,有如春麗般梳了兩個髮髻和護額的設計,外形即時變得威武起來!!
接着是飛行unit,有如梳了個大蝴蝶的髮形,加上背後細緻的花紋,令這位大小姐的造型更加少女!!
透過換件便可加上推進器及飛行翼!!
雖然設計簡約,但這位大小姐的人氣就越來越不簡單!!玩物開始越出越多,就連超合金都要分一杯羹,相信來年大小姐的攻勢將會陸續有黎了!!
趁住電影上演仲未落畫,攞返把今年係動漫節時入手既絶世好劍出黎趁吓熱鬧先!!
為紀念風雲二十週年而推出的原色版.鋁盒包裝,更幸運地抽中100盒限量既馬Sir簽名版.全長12吋,附有風雲及絶世好劍Logo既鐡製劍座,方便擺放.
雖然好耐冇入場睇港産片,但畢竟自己係風雲迷,點都要支持吓!!所以就係剛過去既星期六,趁自己短週就同Ava入去睇早場!!結果成套戲我就做左講故佬,要不停從旁為Ava説明及解答,如果唔係我諗佢都幾難睇得明!!無可否認今次電影版係拍俾風雲迷睇,對於未睇過原著應該會睇到一舊雲,甚至會訓著都唔定….講到評語得兩個字 - 浪費!!浪費哂成個故事,原著中由劍宗,絶無神,天皇,到最後死戰,劇情都去得好順,好有追看性!!來到電影雖然只集中絶無神及死戰,但實在簡約得有點過份,搞到冇哂故事性,一味只靠電腦特技,又點會叫人睇得投入呢??
