拆解「11・26 ; 12・23」

之前留下「11・26 ; 12・23」嘅密碼,答案就係Sony PSP後繼機 – PS Vita係11月26號開始預訂,12月23號正式發售!!!

[PS3] – 聖鬪士星矢戰記

尋日隻聖鬪士星矢戰記終於依時推出,冇偸跑.各大game場都頗多人問價同圍觀.我自己原本都想訂限定,但唔係話冇得訂,就開個血盤大口價出黎,把鬼火訂隻普通版算,$480!!但傳聞行限派多左少少貨,所以尋日個價只屬小炒,大約11xx-15xx不等,冇之前話千八至兩金牛咁誇,其實攞個中位數13xx計,減返隻game盒神話大約九魚,就算將來魂shop玩野,重出五小強舊青銅黄金版,個價都只會差大約兩三魚,呢個差價俾黎可以早玩同多個DLC,OK可接受啦!!

水貼地獄進行中

近日喪誌update情況減慢,一來要打爆Batman Arkham City,(聽日輪到星矢,下星期輪到Gundam Extreme VS,仲有Monster Hunter 3G,救命呀!!)再撞啱阿女考試,已經週身唔得閒,早兩日仲自掘墳墓,走去玩水貼地獄,而家至貼左上半身,仲有排貼呀!!

提早來的芝士日

因為下星期阿女要考試,所以邊度都唔洗去,芝士日只好提早慶祝!!

S.H.Figuarts – 幪面超人亞馬遜 Amazon

S.H.Figuarts今次重新推出榮光之十人,但不是順序地出,來到第二彈竟然是幪面超人亞馬遜.話説亞馬遜是幪面超人中最突出造型亦不為過.蜥蝪般的外型,粗野的戰鬥方式,除為他帶來「狂野的騎士」稱號外,亦令特攝迷留下很深刻的印象.