[PS3] – Dragon’s Dogma

早前問朋友攞左個Diablo Guest code玩下,雖然試玩完發覺自己唔多啱玩,但就戚起條根想玩ARPG Game!!從Johnson處得知Capcom咁啱係呢個時候出隻外國史詩式形ARPG:『Dragon’s Dogma』,而各game書更將其形容為「鬼佬芒亨」,所以上星期一出都捕實,多得JK同Johnson,GH仁哥俾到個靚價入手.

可能自己玩慣日系RPG,少玩此類所謂美式Open World RPG(上古卷軸5及Dark Soul我都冇玩),所以覺得幾新鮮又好玩!!做任務要自己慢慢搵路行,有日夜之分,好有探險feel,敵人有小妖,山賊,甚至Boss級魔物亂入,好刺激!!雖然好多人話冇得online 4打,但我覺得而家單機都好好玩呀!!可以請朋友個Pawn幫打(紫苑你個LV 4X Sorcerer超勁!!)副任又多,真係有排玩!!

S.H.Figuarts – 幪面超人 V3

雖然幪面超人在香港播映時自己已出左世,但仍是嬰孩時期,根本不懂為何物.所以真正懂看的第一個超人,便是「幪面超人V3」.Sorry!!Sorry!!應該叫「鐵面金剛」至正確.在日本,不論是幪面超人V3,或是飾演風見志郎(洪天馬)的宮内洋,人氣度一直在幪面超人系列中高居很高位置.相反在香港,一提起V3,自不然便會令人回想起當年那次不幸的意外.

S.H.Figuarts – 幪面超人 新二號

既然之前入得新一號,又點可以少得新二號份呢!!當初因為飾演本郷猛(洪大龍)的藤岡弘拍攝時受傷,機縁造就出這位由佐佐木岡飾演一文字隼(洪飛龍),外形和一號差不多的幪面超人出場(其實好易分).時至今日,不論劇場版及特別篇,兩位幪面超人亦經常形影不離,帶領著其他年代的拉打,和惡勢力週旋到底!!

小學辯論終結

阿女加入左學校辯論隊兩年,參加了四場比賽,可能經験同對手強既關係,所以一直未試過贏.直到尋日,佢地發揮出超水準表現,無論讀稿及論証方面都比對方優勝,終於係最後一場辯論賽中,一嘗勝出既滋味,亦為其小學辯論生涯劃上完美的句號呢!!

魂Shop限定 - DX超合金 YF-29專用 Super Parts

趁著今個月笨大再販YF-29 Durandal Valkyrie (早乙女機),為大家送上其專用 Super Parts Report.估不到今次再販,造就這盒Super Parts炒上天價,升價接近三倍,認真恐怖!!希望笨大快些公佈再次受注,否則隨時出現「姑仔大過主人婆」的情況呢!!