光之使者-雪天使

衰記大開倉

一年一度衰記散貨大開倉又黎啦!!同之前幾年一樣,買俾自己就一兩件,買俾阿女就一大袋!!

星期一到星期七 多學多得

0黎緊呢兩三個月,阿女d schedule都排得非常密.由星期一至日都起碼有一樣野要學或者要練.問佢辛0吾辛苦,佢又話0吾辛苦,淨係話拔尖班要做多樣功課囉!!俾佢激死 Schedule 如下 :
Mon : 英文拔尖班
Tue : 中文朗誦
Wed : 中樂笛子
Thur : 中文朗誦
Fri : 英文拼音
Sat : 奥數,芭蕾舞
Sun : 游水

清潔糾察

剛開學無耐,班主任選清潔糾察,問有無同學自願想做,以阿女鍾意認叻既性格,當然第一時間舉手!!結果連佢在内,有4位同學當選.聽阿女講,職責如下:
1.叫同學清理自己個位d垃圾
2.放學時推番好d櫈
3.撿査同學d手指甲乾吾乾淨
好似係咁上0下啦!

中秋花燈晩會

聖衣神話 - 北歐神鬥士 開陽星史特

[開陽星 史特] 實力在七位神鬥士之中排行第二.初次登場一擊就打敗了金牛座亞魯狄巴.雖實力強横,但最終還是敗在瞬手下.
今次屬聖衣神話推出北歐篇的第二彈.面相算神似,但不大喜歡那個笑容.為重現戲中的必殺技,竟有成六對手替換.在動畫裏史特還有一個孖生哥哥[白虎巴特].以笨大經營手法,商品化只是遲早問題了.
Box Art

學游泳

由暑假開始學,都學左8堂啦.明顯見到進歩不少,起碼可以0吾洗用浮板已可以游半個池.近日天氣開始轉涼,上星期重一路游一路打冷震,於是走去買左件保暖泳衣,都幾貴架!成280蚊.不過見佢咁俾心機學,當獎勵佢啦!!

山囗式 - Black Getter

Black Getter - 來自 [真(チェンジ!!)ゲッターロボ 世界最後の日] 流龍馬之單人專用機.黒色的機身加上斗蓬,表現出龍馬的狂與野.武器包括:拳套,雙槍及一定要有的雙斧.山囗式一向以多關節為賣點,這隻都不例外.難得的是估不到有齊哂所有武器,QC又ok.看來下月出的真三一都無走雞了.

新學期 新開始

新學期,阿女剛踏入小學二年級就被甄選為中文郎誦代表,實在是一個好的開始!!希望佢俾心機練習啦!回顧返佢一年級既學業成績,我地兩公婆真係諗都無諗過,係出乎意料之外的好.當然除左阿女付出努力外,我地所付出既都0吾少.一到測驗考試,Ava就陪阿女一齊温習,我就出題目,真係重緊張過自己考試,所以當見到張成績表時,真係好開心!!黎緊二年級,希望佢可以keep住d成績啦!!阿女,奸爸爹!!

軍曹夏祭樂園

上星期日,去左愉景新城搞既軍曹夏祭樂園度玩,因為要消費200蚊以上先可以玩攤位遊戲,所以特登留番果日先去買書包,買左個Little Twin Stars,重有特價添!!買完澎澎聲就走去玩,可以玩五個攤位,有阿女鍾意玩既跳彈床,佢就梗係開心啦!!玩完都成三點咁滯,結果行0下食0下成9點先返屋企!!
跳彈床

Q版夜神月

夜神月這名字,相信很多人都知道他是DeathNote(死亡筆記)的主角.這隻Q版夜神月是連同流克一齊推出,但自己對流克没甚興趣,所以只買了夜神月.Q版的造型,内有四個不同的表情,幾得意!!但頭大身細形成他不能站穩,所以一定要用支架撑着!

包裝

Alternator - Ford GT Rodimus

因電影效應,近日TF熱潮真是一時無兩.自己都有入場支持,但真的對其機設不大喜歡,所以到現時為止一隻movie玩具都没買過.話需如此,自己近日都買了一隻TF玩具,它就是Alternator(簡稱AT)系列 - 博派領袖洛迪文.

今次這隻洛迪文不論車型及人型均表現得十分出色.難怪成為近期炒得非常熾熱的TF玩具之一.

Car Mode