2010年6月27日星期日

溜冰樂


呢兩日不停咁落住雨,戸外活動全部唔洗諗,突然醒起又一城溜冰有優惠,成個六月做父親既都可以免費入場,於是就去左溜冰喇!!



對於差不多已闊別廿年冰場既我,一落返場真係有小小脚震震,要沿邊扶住黎踩,到後黎先叫做踩返順小小.



表姐一早就識踩冰,仲好細心咁扶住阿女,一邊教一邊踩,終於阿女都學識左唔洗扶,都行到一個圏啦!!






2010年6月26日星期六

SDX - Command Gundam


近日因等半夜睇波,無聊執拾下發現幾個月前瑞記開倉時,除入了超越之龍外,還有這COMMAND GUNDAM,以當時一魚的價錢,真係買盒模型都未必得,可謂抵到爛!!其實把玩過後,它絶不只値一魚,多種配件及玩法,至少都兩魚吧!!真不明白這盒COMMAND GUNDAM為何成為SDX系列中的跳樓貨表表者


Box Art & Packing





裝甲型態,迷彩塗裝十分出色,胸甲合金制,令其十分重身.



球型式加二重關節,要做出抜刀,投擲等動作全無難度,不俗的可動能力已成為SDX系列的賣點之一.





配件方面替換手有四對,五種眼神,另外附上眼罩,,膠布,大聲公,重現負傷,再加上各種武裝,可玩性十足!!




卸下裝甲可變成輕裝型,身型比較單薄.





各種武裝包括有 - 軍刀,兵機鎗(可換彈匣型態),迫擊砲,手榴彈兩款(一款是鐵球造形),箱型火箭砲,瞄準器及飛彈武器,



全部武裝均可配備上身.箱型火箭砲,頭側的瞄準器及飛彈武器亦可調較角度.





加上附設的地台,方便擺出各種有型姿勢!!









説起SDX系列,自從第一彈騎士高達後,幾乎其後推出的都落得跳樓收場做成如此局面不多不少是由COMMAND GUNDAM開始,由初初一出的三魚,到現在可能一魚都有的情況下,不期然會令人期望打後的都會跌價,結果造成去貨去得好慢,當然作為消費者既我們,樂得可以買到平貨,但最後便是玩死了此系列...



2010年6月22日星期二

Robot魂 <Side MS> - Reborns Gundam / Reborns Cannon


雖然在角色不太喜歡「偽寳」,但對其專用機Reborns的反轉背脊變形方法覺得十分有趣,所以當知道Robot魂推出Reborns時已十分期待了.


Box Art & Packing





先介紹Reborns Gundam,其比例細過1/144,16cm.造形上身形問題不大,但面形略圓,如能修長少少會比較好些,上色方面算可接受,如果額前及心口的紫色部份能用上透明件就更加完美了!!





活動能力方面,肩及手肘的關節是因應變形而重新設計,出來的效果非常好,加上關節鬆緊度適中,令雙手的可動範圍甚廣!!雙脚方面則只是大腿因裙甲關係不能抬得太高,其餘表現亦算可接受.




配件方面有替換手三對.武器方面包括GN Buster Launcher, GN Shield ,GN Beam Saber x 2,小型GN Fin Fang x 8,大型GN Fin Fang x 4.





8小型GN Fin Fang分別收納於後方裙甲及GN Shield,但要呈現12GN Fin Fang發比較困難,如果可以像即將推出的S.Freedom有專用架就好了!!(笨大迷之聲:無問題,遲些出過魂shop限定給你歎吓)



輪到Reborns Cannon,變形過程忠於原著,只需換上手件便可,眼部用上透明件,身形因膝蓋微微屈曲而矮細小小.





活動能力方面,因其外形影响關係,加上其四門加農炮過於大枝,要擺出有形姿勢比較困難.配件方面爪形的手件可夾實GN Beam Saber,另外手爪可透過駁上飛索作出Egner Whip攻撃.






整體表現非常不俗的一盒Robot魂産品,有得玩變形,價錢又不算太貴(現在不用二魚,可能仲有得跌…),算是近月抵玩的一件玩物.