2010年3月31日星期三

S.I.C. Vol.52 – 幪面超人 Kabuto


講起S.I.C. Kabuto.系列,大家只會諗起一個字“炒”Vol.52已經炒到令不少人郤歩,剛剛出的Vol.53就更加係得勢不饒人,繼續大炒特炒!!先不説Vol.53 ,Vol.52炒起的原因大致有兩點:.可以玩埋Final Form,不少人會一口氣入哂兩盒;.KabutoSIC平成拉打系列中最後一個登場,為了集齊“平成十人”,導致成個市場多人搶貨,結果第一日出已經俾人秒殺,到第二日返貨個價已經好似賣緊限定品咁,升幅令人嘩然!!至於此玩物究竟値不値那個價??因毎人心中一定有個特定價, 我在這裏不多詳談了.寫完一輪廢話,還是分享返件玩物.今篇便先介紹Kabuto (Masked & Rider Form).


Box Art & Packing





Masked Form – 外形及detail位只屬一般,心口位置過大,比原著更為笨重.唯一可取之處是裝甲用料足,金屬件頗多.(裝甲取自Vol.53)





活動能力方面,頭頸被鎖死,雙手的可動範圍亦被肩甲限制着,名幅其實大而無當!!





Cast Off!!



Change Beetle!!



Rider Form - A膊及粗脚的問題頗嚴重,幸好全身加入不少彫刻細紋,配合金屬色塗裝,増加了機械感,才不致於太過難看.





活動能力方面,因肩甲没和胸甲連接,令雙手的可動範圍不俗(但亦因如此而形成A).至於雙脚因在設計上要遷就那個頗為無謂的獨角仙變形,以致可動範圍比較遜色,跪下比較勉強,但要做出Rider kick等動作仍算綽綽有餘的.



配件方面替換手有七種.而武器有鎗,短劍,斧頭各一.









除本身配件外,亦附有Decade腰帶及武器,演化成由門矢士變身而成的Kabuto.




天の道を往き、総てを司る!



1.2.3. Rider Kick!!




下篇介紹Hyper Form及那隻無謂的獨角仙.



2010年3月28日星期日

阿女@天文台開放日

因為下星期唔洗中英文默書,可以輕輕鬆鬆咁過返個星期日!!朝早先去左沙田拜姑婆,食埋晏晝兼影埋個Alice in Wonderland展覧先離開,去我地今日通識教育既目的地 - 香港天文台.




尋日同今日天文台都會開放俾市民參顴,沿住佐敦街坊福利會就可以到達入口.我地去到時雖然已經係最後一批入場,但一樣好多人啊!!上到去有好多職員都好樂意為大家講解各儀器既用途,學識左好多野!!







阿女起勢咁拍做乜??原來係自製地震波!!




上到去再等三四個字就入去香港天文台百週年紀念大樓.入面有天文台既史同各種舊式儀器展覧,好似個大氣球就係用作高空氣象觀察!!






阿女扮吓野做天氣小姐!!



呢個就係天文台用黎懸掛風球既地方,相信最掛得多都一定係三號波喇!!





呢位係現時既天文台台長-李本



阿女好努力不停咁去問D職員(好似去廸士尼攞貼紙咁),終於俾集齊一套七隻既天氣家族公仔匙扣,睇吓收獲幾豐富!!




2010年3月27日星期六

花卉展覽2010

尋日提早少少Lunch time蛇左去花展度,呢次係我第一次去影花,加上時間緊迫,所以影出黎個效果唔算好好,希望下年多D時間,累積多D經驗,再影好D!!