2010年12月31日星期五

MHP3 x UNIQLO TEE




係日本出左差不多一個月,仲以為香港會貨返之際,失驚無神星期一返左批大貨(好似話有部份店25號已開售),LUNCH時落世貿間UNIQLO睇睇,即時買入呢兩件!!(日本已經斷左市,香港都好似話係!!)

2010年12月29日星期三

深圳兩日遊下集




半夜阿女仍然唔舒服,起身嘔左兩次,搞到成晩唔係咁好訓!!朝早落酒店食返個豐富早餐(包埋兩個大人,兩個細既就計一個大人錢,人仔$170)跟手就check out!住一晩五星級酒店只需 $170,抵!!

2010年12月28日星期二

深圳兩日遊上集

早輪因機縁巧合,聽左萬豪酒店一個人入會既講座,無論入唔入會,都會送一晩深圳JW萬豪酒店俾你住!!(當然我地入會啦,要幾廿萬架!!)於是就book左今個聖誕假上去玩兩日喇!!

其實冬至果日阿女已經唔舒服,腸胃炎食乜嘔乜,但仍然話堅持要去!!原定十二點約埋表姐係上水等,點知臨出門口時Ava發生小小意外,搞到一點先meet表姐.上到深圳再搭地鐵去到香蜜湖站,上到站頭俾個公安老點我地行相反方向,結果行多十分鐘寃枉路先到深圳JW萬豪酒店.


\

2010年12月26日星期日

Boxing Day

阿女今年既聖誕禮物有:

聖誕老人送既大富翁




2010年12月24日星期五

Robot魂 [Side MS] - Geara Zulu (Angelo Sauper專用機)




因為MHP3的關係,已近一個月没影過玩物相.見今個星期的狩獵戰況可以抖一抖,抽了一個晩上的時間開盒玩玩.而自從看了兩集UC後,已暗下決定將Robot魂全系列收納,所以對這盒Robot魂是頗期待的!!

2010年12月21日星期二

新器材

經過多番搜査,最終敗家既新鏡頭係Sigma 17-70mm F2.8-4 DC MACRO OS HSM.揀小蔡頭係因為發現不少負面消息,話支鏡QC有問題,容易出現發霉現像.既然有budget,所以就敗埋Sony 42外閃.




2010年12月19日星期日

管弦樂團的表演

阿女由二年級開始學長笛,今年正式入選學校的管弦樂團.由十月開始收到通知,苦練近兩個月,尋日正式上台表演,晏畫先係學校舉行既「聖誕節敬老綜合表演」.




2010年12月13日星期一

終於上到HR6

經過多一個星期,今日終於上到HR6.(搭車時自己打雙雷狼,仲好彩到有兩粒碧玉!!)而家著住呢套尾槌龍S裝,洗左接近兩個鐘,次次都係打兩隻,最難出係尾槌龍のコブ,要8個先得!!入珠後有攻撃力加大,火事+2及破壞王,個負技能見切-1可用護石抵消,防御用堅武具玉upgrade到393(用埋守符).




2010年12月12日星期日

沙田大出血

今日我地去左沙田拜姑婆,原定諗住拜完食埋野就返屋企,點知臨行去火車站就出事喇!!




2010年12月11日星期六

深圳國民教育遊

原定十月去深圳既學術遊,因為打風所以改左今日出發,六點起身,七點三就要返到學校!!去既景點有博物館,中山公園,海上世界同去書城購物,五點半返到學校.今次係阿女第一次去深圳,雖然有老師陪同,但出發前Ava仍十分擔心呢!!當然最後梗係安全到埗啦!!




2010年12月7日星期二

MHP3的緩慢進度




打機時間係返工放工車程,夜晩就十點上PS3 ADHOC PARTY,加埋大約四個鐘度,打左接近一個星期,進度十分之緩慢,現在只在HR3及村任六星中.

2010年12月5日星期日

舊歷生日

今朝阿女畫完幅畫就出去葵芳元氣食壽司,新都會廣場個聖誕裝飾係Forever Friends,都幾靚架!!不過其中一處地方就要消費先可以入去影相,仲限定只可影三張,都幾荷刻!!




2010年12月3日星期五

Michael Lau Exhibition@Times Square

Michael Lau係Figure界有幾出名,相信不用多説!!而家Time Square有個展覽,値得一看呢!!




2010年12月1日星期三

2010年11月29日星期一

盡慶的生日




自從阿女上左小學後,幾乎毎一年既生日都撞正測驗要温書.但今年竟然提早左測驗,仲要咁岩係星期日,終於可以有年生日玩到盡喇!!早前申請信用咭送左兩張海洋公園飛,加上我可以免費入場,淨係買阿女一張小童飛就可以一家大細入場玩,抵哂!!

2010年11月27日星期六

阿女@Hello Kitty郎豪坊

測完驗終於可以鬆一鬆!!跳完芭蕾舞上左去睇郎豪坊Hello Kitty聖誕裝飾.係就係好靚,不過真係勁多人,好難得先揀到幾張相出黎!!




2010年11月24日星期三

[PS3] - GRAN TURISMO 5




一再延期,苦等5年,PS3上的超大作 - Gran Turismo 5(GT5) 終於係今日正式推出.頭先係188 GH足足用左20分鐘排隊先攞到隻game(下星期仲有一劑 : MHP 3).入game後又要等半粒鐘先install完,今日未開server,無得online打住,而家努力考牌中....

2010年11月22日星期一

Robot魂 [Side MS] - Sinanju 新安洲




雖然Gundam UC OVA只是出了兩集,但其故事内容和機設已十分吸引.由其是第二集出場的新安洲更加係中到應一應.所以繼早前特價買了Unicorn Gundam,今次剛推出的Robot新安洲實在不能等,要即時入手.

沾仔記

因為要同阿女温書,所以由今日起一連四日都會放半天假.咁成日聽Ava講話中環有間平靚正雲呑麵,一於就今日兩公婆去撑下枱脚先!!




2010年11月18日星期四

超合金魂 GX-53 - 無敵鋼人泰坦3 (Part II)




上篇介紹完交通工具,今篇繼續,開始變型!!過程大致和之前寫的差不多.先將雙脚拉出,開合背部將履帶轉動,再接合背包及機翼,拉長雙手,摺合肩甲,最後打開頭冠便完成變型!!

2010年11月16日星期二

超合金魂 GX-53 - 無敵鋼人泰坦3 (Part I)




無敵鋼人泰坦3 – 大多數機械人迷均認識它,但不是來自動畫本身,而是遊戲超級機械人大戰.厚甲,HP及攻撃高,若用魂+會心一撃出Sun Attack,5HP絶對可以.這台超級系的主力,Bandai終在4月推超合金魂,作為老餅機械人迷既我,當然不放過此玩物.現在便先介紹其交通工具吧!!

2010年11月13日星期六

考劍橋Flyers




今日下晝阿女去考劍橋Flyers,淨係佢地間學校都超過40人去考,希望阿女可以攞到13個盾以上啦!!!(Ava好高要求架!!最好攞15個盾....)

2010年11月12日星期五

Super Robot 超合金 - 古鐵 ALTEISEN




Bandai超合金玩物的新系列「Super Robot 超合金」,頭兩炮的萬能俠我都没買,來到第三彈,Bandai終於肯繼合金魂GX-46大贊卡後,再次推出機戰OG系列的機體,而被選中的角色,便是由響介駕駛的專用機 [古鐵 ALTEISEN].

2010年11月8日星期一

心郁郁…想換鏡…




上年生日買左支DT50mm F1.8玩大光圏,今年又心思思想趁機換走支用左年幾既18-70mm kit.因為budget有限,而家心儀既有呢支:

2010年11月5日星期五

狂食魚生的公公生日

今晩同公公提早做生日,去左尖沙咀間大吉食放題,狂點魚生,蠔,天婦羅,食到飽一飽,大滿足呢!!




2010年11月4日星期四

初代青銅聖衣 - 白鳥座冰河 (TV Ver.)




聖衣神話初代青銅聖衣白鳥座冰河是在201010月推出.在聖衣形態上,初代這版本没新生和最終般輕盈華麗,比較平實.至於人形方面,面相有點呆,裙甲的設計亦有點鬆,暫時覺得是三款初代青銅聖衣中表現比較差的一款.

2010年11月2日星期二

Robot魂 [Side MS] - OO QAN[T]




雖然香港仍未上映Gundam OO 劇場版A wakening of the Trailblazer,但從各大討論區得知,影評是好壞參半,大部份都是接受不了對抗外星人的情節,而且整套劇大送便當,就更引起fans不滿.(香港將在1118日上映,但已經滿座,所以我還是等聖誕節出碟時先至睇了.)至於機體方面,從一公怖新機體開始已密切留意Robot魂何時推出,結果第一個跑出是刹那的專用機 : GNT-0000 OO QAN[T].

2010年10月31日星期日

廣州一日行

毎年十月尾,爸爸都會命令我地一家返廣州拜山,但今年有小小唔同,因為爸爸年紀大,實在唔可以行得咁遠路,所以就只得我,細佬同姑姐三人行上廣州!!




2010年10月28日星期四

超合金魂GX-55 – 空魔 鳳雷鷹




在三款可變忍者機械人中,我對鳳雷鷹的情意結遠較黑獅子及爆龍低.黑獅子是主角機,爆龍的海魔形態又十分有型,相比之下鳳雷鷹好像缺乏一種獨特的吸引力.所以起初買這盒合金魂,對它是毫無期待,是只求「大張版」飛影及儲齊一系列.誰知把玩過後,它的排名已超過黑獅子了.

2010年10月26日星期二

超合金魂GX-55 - 忍者戰士飛影



雖然大張正己在忍者戰士飛影這輯動畫中只作畫了一話,但已給飛影迷留下深刻的印象.但當時製造玩具的技術,根本無法充份表現出大張獨特的機設,隨着早前魂spec推出大張版的機甲戰記威龍後,今次輪到超合金魂,不論是合金或飛影迷,都應該十分之期待!!

2010年10月24日星期日

再去黄埔




之前用剩兩張遊戲卷,今日一於用埋佢,再玩碰碰車同大型波波池!!

2010年10月21日星期四

健康檢查

尋日阿女去完旅行,學校今日唔洗返學,所以自己都請假一天,同佢去九龍城做健康檢查!!原來除左度高磅重外,仲要做埋心理測驗!!




P.S.呢份係Ava送俾阿女既生日禮物!!

2010年10月20日星期三

人生的第一個十年

今日係阿女十歳生日,適逢又係學校既秋季旅行,有一大班同學仔一齊玩,一齊慶祝,特別開心!!




2010年10月18日星期一

SDX – Captain Gundam




SDX系列除騎士高達外,其餘都是等衰記開倉價才入手.好像今次介紹的Captain Gundam,唔覺唔覺已經是第四盒的SDX.

2010年10月17日星期日

嫲嫲的生日

今日嫲嫲提早做生日,原本毎年的節日都係飲完茶,返屋企切蛋糕再影大合照,但飲茶期間兩表姊妹唔知乜事發脾氣,喊完一個到第二個,結果就搞到冇影到大合照喇!!




2010年10月16日星期六

父女倆遊沙田




今日因為Ava要返學,所以得返我地兩父女去行街街!!見新城市廣場整左個靚靚Chocolate Rain 場景,梗係要影返幾張相啦!!

2010年10月13日星期三

MHP 3rd 体驗版

之前入MH部攞定download code,MHP 3rd体驗版今日正式發佈!!




2010年10月12日星期二

新眼鏡.新形像




上星期換衫果陣,一個唔小心連幅眼鏡都掃埋落地,鏡片即時碎裂,雖然有個spare頂替,但度數唔足,所以都要即刻出街配過幅!!帶左十幾廿年眼鏡,好多時都係揀幼身框,今次一於改一改,帶吓呢類粗框眼鏡,不過Ava同阿女都話:對我呢個新形像好唔慣喎!!

2010年10月11日星期一

東映限定 - S.I.C. 幪面超人NEW電王 Strike Form




脅着上一隻限定Kiva Emperor Form的餘威,加上SHF系列的關係,無論是賣家及玩家,均對這盒S.I.C. NEW電王虎視眈眈.由有玩具舖歩收訂即瞬間截訂,到再開訂已炒高個價,但仍不少人一訂就訂兩三隻,諗住大炒分一杯羹,結果便形成今次限定品貨量比普通版還要多的情況出來.(其實早在4月的留言中,我已估這盒NEW電王有可能出現水浸情況,不幸真的給我言中了…)

2010年10月8日星期五

劇場版Macross F ~ 虚空歌姫 Hybrid Pack




笨大真係識呃fans,好地地出隻blue ray咪算囉,仲要一碟兩味,睇戲之餘仲有game,搞到我又要破財!!

2010年10月5日星期二

Tamashii Nation 2010限定 - S.I.C. 幪面超人卡里斯 Wild Form




2008年第一屆Tamashii Nation Show中發售的超限定品 - S.I.C. Wild Chalice,一直是我的S.I.C.怨念物.雖然之前已幫襯四眼買入其代替品,但始終其貨式「只可遠觀而不可褻玩焉」所以仍希望有朝一日可擁有正貨,終於這一天來臨了!!在剛過去的魂展終肯再販,而且星期六下午更已有貨到港,問價後現貨價竟平過舖訂價,即二話不説即時俾錢呢!!(不心急的朋友大可等之後的魂shop限定)

2010年10月4日星期一

G3 Ballet Result




阿女既芭蕾舞 Grade 3 成績終於派發,俾佢攞到distinction,真係開心死佢呢!!

2010年10月3日星期日

SIC大解放




餓左兩個月冇買SIC,今日黎一個大解放!!左一盒狂紅心,右一盒NEW電王!!(Report將遲啲送上!!)

2010年10月2日星期六

婆婆生日快樂




尋晩婆婆六十一歳生日,所以係酒樓擺五圍搞大壽!!

2010年10月1日星期五

開倉收獲




一年幾度既衰記開倉又黎啦!!今次吸引既野真係唔多,自己只係用二百蚊換左盒SDX,其餘既全部歸阿女或者係送俾親朋戚友的!!

2010年9月29日星期三

FEWTURE EX合金 - GETTER 1 (Repaint Ver.)




一向買超合金玩物,我都抱着一個宗旨:如不能變型合體,通常都會考慮一大輪,或者等跌價才決定是否入貨.但上年度以Repaint Ver.重新推出的EX合金 - GETTER 1,没有變型合體,售價又高,但我仍亳不疑即時俾錢,而吸引我的原因,是來自它由佐藤拓大師重新打造的造型!!

2010年9月26日星期日

樂富行




尋日去左睇「精武風雲陳真」,同葉問比真係差左少少,打鬥場面唔係幾夠喉,個青鋒俠情節仲搞到有蝙蝠俠影子添!!下午就返學校上家長日,好開心暫時開學至今,各老師對阿女既評價都算幾好!!至於今日,我地去左樂富拜姨媽,再同婆婆表姐飲茶行UNY過日!!

2010年9月25日星期六

[PS3] - DeadRising 2




上集因 X Box獨佔,所以沒玩過.今集誇平台推出,終於可以一嘗狂斬喪屍既快感啦!!尋晩玩左陣,已經停唔到手,睇黎我既PS3可以重見天日了!!(已有好幾個月没開機呢..)

2010年9月23日星期四

爺爺生日




今日係爺爺生日,慶祝節目是朝早飲茶,晏畫食蛋糕,夜晩食飯!!雖然頗簡單,但兩老已開心不已了!!

2010年9月21日星期二

手信




阿豪上星期去左日本玩,其中一站係去靜岡睇1:1高達,真係羡慕死我!!尋日返到公司,一手就送左呢盒會場限定HG RX-78-2 Gundam俾我做手信,話知道我恨去,所以買盒過我等我止吓渇哦!!真係多謝哂!!!個衰仔仲話買左好幾盒返黎派街坊,激死!!(而家頭痕緊,究竟砌好唔砌好呢??)