廣州一日行

毎年十月尾,爸爸都會命令我地一家返廣州拜山,但今年有小小唔同,因為爸爸年紀大,實在唔可以行得咁遠路,所以就只得我,細佬同姑姐三人行上廣州!!

照慣例約埋係羅湖城間丹桂軒飲埋茶,先出發買車票.

一個鐘頭車程就到達廣州東站,我地再轉搭地鐵,四個字就返到「小北」!!(個地鐵站係咪好香港 feel 呢??梗係啦!!港鐵有份興建!!)

渣渣臨攞齊鮮花燒豬就上聖山啦!!

拜完山就揸車去龍洞呢間小郷村度食飯,原來肥滔都有黎過架!!

睇相好似冇乜野,其實隻狗超巨大,真係有老虎咁大隻,嚇鬼死!!

環境唔錯架!!望出去山明水秀!!

呢間野既部份餐單,其中一味我地有叫到黎食,就係「老鼠耳」喇!!

食完野,因為要執藥俾媽咪,所以就去左個親戚屋企坐,途經陳家祠,叫做到此一遊啦!!

結果搞到差唔多五點至走得,點知落到地鐵站又要安檢,架車又人多,比返工繁忙時間仲要迫人,好恐怖!!

廣州亞運,到處都見到呢五隻羊!!

返到屋企差不多十點,真係好支力.....