2009年12月30日星期三

MegaHouse 武裝機甲 - LINE BARREL


武裝機甲 - 一套機設比較獨特的動漫,自己也是被其機設所吸引而追看漫畫(動畫反而一集也没看過)市面上關於武裝機甲的玩物有壽屋模型,CM’S合金,Volks,及今次介紹既MegaHouse Variable Action系列的主角機 - LINE BARREL.


Box Art & Packing





比例為1/144,高約15cm,ABS.上色及QC均令人滿意,但要留意有部份塗裝比較薄,把玩時要小心一點!!





配件方面不算多,有三對替換手,二柄劍及地台,美中不足是不包括遠距離武器.



活動能力方面,肩部三重關節,手肘膝蓋則用上二重關節,再加上腰間及大腿的balljoint,令其活動範圍非常大!!





作為近身攻撃的機體,LINE BARREL的主力武器是收納在雙臂下的一對劍.但可惜是劍不能收藏於劍鞘内,要做到抜劍的動作便只能更換劍柄!!










有點心痕痕想買理Mode B!!



2009年12月28日星期一

Robot魂 <Side Mashin> - 龍神丸


要數九十年代出名既機械人動畫,魔神英雄傳絶對係表表者之一.想當年一到播此動畫既時段,我地就會捕實係部電視機前,又會將零用錢慳埋慳埋去買模型玩!!諗返起至少都有十幾盒,都不知進貢左幾多!!當然現在已失去這批玩物了,所以Robot魂今次推出的龍神丸真的是十分期待呢!!


Box Art & Packing





全高約10cm,塗裝及QC都不俗,但水口位比較多. 不少人認為這台龍神丸比以前既模型比例來得修長,但我自己又覺得問題不大.




額頭駕駛席及胸前勾玉用上透明件,令其外形更為華麗.



配件方面有三對替換手,寶玉,及換件以呈現飛雲未坐上龍神丸前的形態.




附件中還有魔神英雄傳的主角 - 飛雲(戰部渡)




活動能力方面,全身多處用上二重關節,肩部的三重關節令抜劍動作很自然,膝頭連接大腿更加連動關節!!




武器方面有 - 投擲寳玉




必殺 - 登龍劍






一邊把玩這盒龍神丸,一邊回想返當年的童年回憶!!真希望Robot魂能將此系列化,出齊戰神丸,幻神丸,空王丸,,龍王丸等!!



2009年12月27日星期日

最後一日聖誕假期

黎到最後一日聖誕假期,我地一朝神吉咁早就走左去睇「花鼠倶樂部 2」.上一集阿女已經好鍾意睇呢套戲,來到第二集加入三隻花鼠女,就更加話非常好睇!!


不過睇完戲後,自己開始唔多掂,可能尋日係海濱長廊冷一冷親!!所以一路發住燒同地入Sanrio Village影完相後,就打道回府,睇醫生兼訓足一日!!







係我訓緊既期間,Ava就帶表姐同阿女拜一拜姨媽,之後表姐都要返屋企!!



黎緊既假期兩個大帝開始要比心機温書喇!!因為一放完假返學就要考試囉!!


2009年12月26日星期六

表姐,阿女&表妹@西九龍海濱長廊

黎到假期既第二日,我地先同爺爺飲茶先,期間姑姐話同表妹去,阿女聽到後又話要跟埋去!!於是我地一行七人,搵左好耐終於搵於架小巴去我地既目的地 - 西九龍海濱長廊!!



我地都係第一次黎西九長廊(表妹已黎過),原來真係有得租單車!!小朋友單車$25,大人單車$30,段一個鐘計.




沿途環境都幾舒服,仲有公園玩添!!









單車,三囗子仲係公園玩餐廳遊戲添!!





同表妺say goodbye,我地再轉下一場,去黄埔睇貓狗馬戲表演,幾好睇架!!




最後話明今日係Boxing Day,就梗係拆禮物,玩返一輪先肯上床訓覺啦!!