趁住電影上演仲未落畫,攞返把今年係動漫節時入手既絶世好劍出黎趁吓熱鬧先!!
為紀念風雲二十週年而推出的原色版.鋁盒包裝,更幸運地抽中100盒限量既馬Sir簽名版.全長12吋,附有風雲及絶世好劍Logo既鐡製劍座,方便擺放.
雖然好耐冇入場睇港産片,但畢竟自己係風雲迷,點都要支持吓!!所以就係剛過去既星期六,趁自己短週就同Ava入去睇早場!!結果成套戲我就做左講故佬,要不停從旁為Ava説明及解答,如果唔係我諗佢都幾難睇得明!!無可否認今次電影版係拍俾風雲迷睇,對於未睇過原著應該會睇到一舊雲,甚至會訓著都唔定….講到評語得兩個字 - 浪費!!浪費哂成個故事,原著中由劍宗,絶無神,天皇,到最後死戰,劇情都去得好順,好有追看性!!來到電影雖然只集中絶無神及死戰,但實在簡約得有點過份,搞到冇哂故事性,一味只靠電腦特技,又點會叫人睇得投入呢??
真係嘛嘛啦套戲,我冇睇漫畫真係一舊雲 把絶世好劍真係勁.幾錢,我動漫節時都見到!!
回覆刪除[版主回覆12/21/2009 17:10:00]把劍 冇記錯好似$280.講返套戲,希望第三集果兩兄弟導演可以著重返係個故事,話哂七兵器,奪龍元,都幾好睇架!!
之前仲見到彭順係雜誌到講咩風雲迷唔滿意可以問佢攞番錢 如果係既話,佢賣身都唔掂呀 另外,在BLOG主協助下,小弟去左油麻地到搵「紅蓮之眼」 結果搵就搵到,但被奸商炒到200元高價,最後選左有鑽版,平好多 歡迎BLOG主黎小弟BLOG睇睇!
回覆刪除[版主回覆12/22/2009 00:17:00]乜炒到咁貴 鑽頭版的確係平好多
絕世好劍型ar~~不過我無儲呢把
回覆刪除[版主回覆12/22/2009 00:19:00]以前我儲左好多架!!但最後係送哂俾人....
自己未睇套戲,但身邊已看了風雲二的朋友無一個唔〝鬧鬼〞...
回覆刪除暫時未聽過正面評價!
看來聖誔假期還是留在家睇〝是但台〞重播風雲雄霸天下算了!(千葉真一扮的雄覇超正。)
[版主回覆12/22/2009 09:21:00]千葉真一演既雄覇真係好神似!! 聖誕假期除左阿凡達外,應該都 冇乜好戲好睇了.....
原漫畫我好早(約二十年前)已經放棄了~
回覆刪除[版主回覆12/22/2009 14:14:00]我由第一期睇到而家喇!!
所以我並沒有打算看這電影~
回覆刪除[版主回覆12/22/2009 14:15:00]忠實fans,當係支持吓!!
哈哈哈!--聖--誕--節--快--樂--
回覆刪除[版主回覆12/23/2009 14:24:00]Merry Christmas!!!