2009年8月29日星期六

北海道之旅2009 Day 5

719


行程 : 白之戀人博物館 ~ 千歳Outlet ~ 札幌新千歳機場 ~ 台灣桃園機場 ~ 香港機場


黎到最後一日,成日都不停咁落著雨,好彩今日去既地方唔算多,不過都難免有少少掃慶!!而今日既第一站係 - 白之戀人博物館.



白之戀人有幾出名,相信唔洗多介紹!!至於呢間博物館,日本人真係識包裝,内裏毎個角落都裝潢華麗,真係睇唔出原本係一間工場黎!!






同場仲有懐舊玩具展覧,岩哂我口胃!!





因為之前係狸小路已經買左白之戀人,所以係度淨係買左罐朱古力飲,都幾甜吓!!其實外出既環境好靚架,可惜落緊大雨,搞到影唔到相,….




離開白之戀人,到達最後一個景點 - 千歳Outlet,故名思義即係Shopping Mall.四個女人有得shopping,當然唔會放過呢個最後機會啦!!




至於我就負責去搵位食野,今餐要自費!!既然黎左四日都未食過壽司,咁岩千歳Outlet有一間回轉壽司魚一心,一於今日食盡!!呢間D壽司價錢同香港差唔多,特別欣賞個鰻魚,睇阿女個樣就知好好味!!





食飽飽後就要去機場囉!!係辨緊寄行李既時間突然聽到有個女人講話班機好似delay(因當日香港果邊打風,半夜仲掛九號波添!!),但機場内既航班顯示正常,咁大家咪照入!!



我地大約未4,原定班機16:40pm起飛,但望出停機坪竟然飛機停係度,等到起飛時間過哂,就連機尾都見唔到,D職員又淨係答唔知唔清楚!!終於過多半個鐘,先至有廣播話班機因機件故障,要緊急降落福岡,而且要delay三個鐘!!(咁即係之前未閘前聽到果番話係真架啦!!)一聽到呢個消息,全候機室即時聲載道,問明知班機係delay,點解唔早D通知!!班職員就不停咁講sorry,又話可以用機票到小食部免費攞一樣野飲,以求平息民怨!!其實今次國泰安排得真係好差,班機係三點鐘已轉飛去福岡,照計應該有哂充足時間通知北海道呢邊,真係唔知係咪有心隠瞞呢!!



係個細小既候機室呆等左三個鐘,班機終於係七點降落千歳機場,跟住又有廣播話:「因為民航條例,機組人員已超越其工作時間,需要轉飛台灣更換工作人員!!」此言一出,候機室内即時群情洶湧,所有人均怒火衝天!!投訴聲始起!!但都係辨法,淨係話返到香港,公司會有安排,所以最後幾乎全人都係黒住面上飛機!!




坐左三個鐘頭機(其間睇左IRON MAN)到達桃園機場,等班機組人員交更再起飛.





終於返到香港要半夜一點鐘.至於所謂既公司安排,就只得三架巴士去港九新界三處地方,好多人都非常不滿,包括我地在内!!其間有一國泰職員話可以坐的士claim返數,咁我地當然係去搭啦!!結果兩點半先返到屋企,足足遲左六個鐘頭,真係黒仔!!




最後分享吓D戰利品.



後記 : 今次北海道之旅,不論食同住都非常滿意,講到食就更加係食到停口添!!另外要俾三個「for 今次旅行.高興當然係睇到花田啦!!因為真係好靚!!驚喜係睇到煙花,因為未試過係外地睇!!黒仔係連續兩年去旅行坐飛機都delay,好彩尋晩終於收到國泰refund既的士錢,算係攞返個尾彩啦!!至於下次如果再有機會去北海道,可能會試吓自遊行,同埋揀冬天先去,欣賞白雪下既北海道!!



2009年8月27日星期四

北海道之旅2009 Day 4

718


行程 : 旭川動物園 ~ 富良野花田 ~ 亞斗夢の丘 ~ 菓子王國温泉城


因為唔洗搬酒店,所以可以輕輕鬆鬆咁落去食早餐,而第四日既行程亦正式開始!!



今日可以話係咁多日以黎坐車最長途既一日,差不多毎個景點閒閒地都要坐差不多兩個鐘!!好似第一站既 - 旭川動物園,我地十一點才到達!!係未正式入場時,我地第一時間衝入去門口間小食店,為既就係要買超甜生粟米!!唔洗一陣間就俾我地成團人秒殺左!!




正式入場, 旭川動物園其實唔算好大,但内裏既動物種類出奇地多,真係要睇哂既話可能都要花兩三個鐘!!我地係呢度逗留約個半鐘度,雖然有少少走馬看花,但一些重點推介既動物如長頸鹿,企鵝,犀牛,北極熊等我地都停多一陣睇耐少少!!








場入面仲有不少場館俾人可以近距離觀賞動物,但大部份都大排長龍,最後我地揀左入海豹館!!見到隻海豹係中間個透明管道游過時,個個都嘩嘩聲咁!!好鬼興奮!!




跟住梗係周圍影吓相啦!!





臨走就梗係shopping時間啦!!阿女同表姐一齊揀左個海豹毛公仔,按吓個肚仔識叫架!!



離開旭川動物園,沿途車程開始落雨,途經美瑛時更落到好似紅色暴雨咁!!心諗唔係咁黒仔吓!!今次黎北海道既主要目的係睇花田,而家睇花先至黎落雨,心情真係即時down!!但出奇地當到達富良野,只係天陰陰,,lucky!!



一到歩領隊先帶我地醫肚,今日食燒烤,個鐵板係鋤頭黎架!!雖然可以白飯任,領隊話唔好食咁飽,因為要留肚食另一様任食野!!




黎到期待以久既時候,任食赤玉蜜瓜!!一盤盤新鮮赤玉蜜瓜即切即食,真係超甜超多水!!統計過阿女同表姐各食左兩至三件,阿媽食左四件,連我呢個平時唔好蜜瓜既都食左四件,Ava就更加唔好講,食左八件,足足一整個,真係誇張!!




食飽飽開始另一樣活動,自製薫衣草枕頭.做法好簡單,將杯薫衣草鋪係棉花面上,想香D既可用100円買多杯(阿女同表姐就買多一杯喇),再用棉花包住D薫衣草,最後套埋個枕頭袋,完成!!



終於都到重點節目,欣賞花田!!雖然呢度七色花田,但眼前一大片薫衣草田,再加埋其他花種,已令我地興奮不已!!








係頭先途經美瑛見到有個好多靚花既公園,領隊問我地想唔想去,但去左果度就得去睇美瑛出名既Mild Seven之樹,大家衡量過後都覺得睇花好D,所以個個舉脚贊成!!到達後天色開始陰暗,但無阻我地賞花既心情,繼續狂影相!!呢個花園比頭先個花田更靚!!





行到上去睇到個牌,先至知原來呢度就係頗出名既 - 亞斗夢の丘(ぜるぶの丘).





終於完成今日既賞花之旅,個天亦開始滿雨,係時候出返去札幌!!



坐左三個鐘頭車,出到黎都已經夜晩7點幾,係時候醫吓個肚!!今晩同樣係食燒烤,另外我地仲自費左塊西冷同鮑魚,塊西冷真係好正,入口即溶!!至於隻鮑魚,則略為酒味重左少少!!






最後返到酒店玩埋個室内泳池,跟手再去浸多次温泉,第四日行程就此結束!!