得個"迫"字既香港動漫節2009

星期六晏晝入左去動漫節,初初排隊入場時人流都已經開始多,所以一入到去即刻就去排天下喇!!一排就排左個半鐘頭有多….講真如果唔係因為水斌本畫集同12吋絶世好劍,我諗我一早走左囉!!

去埋玉皇朝買埋兩本星矢,就會合Wilson去睇其他野!!玩物方面今次都算有D野睇吓!!

LC版天馬座真係提唔係興趣,睇吓到時如果跳樓或者會諗吓!!隻輝火雖然未上色,但就真係有D睇頭!!

好多人都對Hot Toys呢對MJ好有興趣!!

藍色既機動警察.

之後去左睇電撃,一樣咁多人,想睇detail D 都唔得….所以影左幾張相就算囉!!

後記:其實真係好想留到睇中川翔子,但真係多人到頂唔順....所以就五點幾同Wilson一齊走人!!其實主辨單位有無諗過將個會場範圍擴大呢??係入面不時聽到好多怨言話 :「俾錢入黎迫」,「仲慘過行花市」,「下年一定唔黎」等等......真係好希望單位認真咁考慮吓,咁大家就行得舒服D啦!!(未寫完架!!仲有下一篇 - Action Toys 介紹架!!)