7月17日
行程 : 支笏湖 ~ 小樽 ~ 狸小路 ~ 菓子王國温泉城
經過尋晩浸完温泉,加上一起身就見到個無敵大海景,真係人都醒神D!!係酒店食完早餐便開始我地第三日行程.
第一站係 - 支笏湖,位於千歳市,長年不結冰,係日本第二深湖.今日天氣好好,真係湖光山色.
因為係呢度淨係得個湖睇,所以逗留大約45分鐘就離開,去第二站 - 小樽!!
一到達小樽,領隊先帶我地到小樽オルゴール堂.呢間出哂名賣玻璃水晶及音樂盒,入面D音樂盒真係睇到你花多眼亂!!
之後係自由時間.我地先帶阿女同表姐去北一硝子三号館食佢地期待以久既六段雪糕,呢款500円既軟雪糕,毎層都唔同味,由上至下既味道分別係哈蜜瓜,朱古力,抹茶,草莓,牛奶,栗子.而我兩公婆就叫左杯雪糕咖啡,兩樣都咁好味!!
雖然六花亭既士多啤梨頗出名,但我地就覺得太甜,所以冇買到.跟住過隔離間北菓樓,買我好鍾意食既妖精の森!!
跟住我地再過銀の鐘一号館,嘆返杯咖啡,老實講杯咖啡同件蛋糕味道真係好一般,其主要目的當然係為左個Hello Kitty杯啦!!
幾鍾意小樽呢處地方,周圍Ｄ建築物都好有特色!!最後我地影吓相,逗留大約兩個鐘頭度就去食晏晝飯!!
今次又係去酒店食自助餐,但呢間Grand Park既食物款色比較少,勝在環境好,望出去又係一片無敵大海景!!
食飽飽後我地先至去埋出名既小樽運河,和冬天一片雪景比較,現在雖然少了一份白色浪漫,但在夏日下,從淺草橋上欣賞充滿浪漫懷舊既景色,亦有另一番味道呢!!
離開小樽,我地到達今次旅行唯―可以俾我地瘋狂shopping既地方 - 狸小路.領隊先帶我地到一間有九折既小店度買白の戀人等手信,係呢個時候我亦開始自己一個人行,去尋找玩物店.(詳情請睇返我之前寫既番外篇-尋找狸小路的玩物店).
行到咁上下,係拑公仔既時候撞返Ava,跟手火速帶佢去丸井今井既agnes b專門店,仲話咁快就揀到三個袋,原本加埋要20,000円,但而家埋單12,000円,即港紙一千蚊都唔洗,點解??話説我以前做野間日本公司,有個日本人老細送左8,000円既三越coupon俾我,諗返起大大話話都keep左成六七年,Ava話今次無論如何都一定要用埋佢,結果用左coupon,退埋税咪咁平囉!!
瘋狂shopping完我地就返酒店,今晩住係菓子王國温泉城.領隊仲話我地好好彩,連續兩晩都住係度,唔洗搬酒店!!今晩晩餐係酒店内食自助餐,都幾多野食架,又長脚蟹又帶子,正!!
食飽飽後又係時候去浸返個温泉舒服吓!!最後食埋個貴價宵夜:牧丹蝦同馬糞海膽,第三日行程就此結束!!
沒有留言:
發佈留言