阿女＠數碼互動遊樂場

今朝同爺爺嫲嫲飲完茶,就一家大細入去青衣城個IQ博士展影相!!

影完相正諗緊唔知去邊度玩時,我話不如去數碼港個互動遊樂場度玩啦!!好!!即刻坐車出發!!

去到數碼港個商場,内裏大約有十個懷舊遊戲玩,消費滿廿蚊就可以玩!!

戸外都有三個遊戲玩,其中一個仲要嘟張智能卡先玩到,但個場竟然無Staff去管理,加上好多蚊,所以我地好快返入去室内!!

返入室内就同阿女玩竹簽,Ava竟然話未玩過,真係離哂譜!!

搭小巴返出銅鑼灣,再去Time Square睇Mickey展,就係咁玩足一日喇!!