深圳兩日遊上集

早輪因機縁巧合,聽左萬豪酒店一個氹人入會既講座,無論入唔入會,都會送一晩深圳JW萬豪酒店俾你住!!(當然我地冇入會啦,要幾廿萬架!!)於是就book左今個聖誕假上去玩兩日喇!!

其實冬至果日阿女已經唔舒服,腸胃炎食乜嘔乜,但佢仍然話堅持要去!!原定十二點約埋表姐係上水等,點知臨出門口時Ava發生小小意外,搞到一點先meet到表姐.上到深圳再搭地鐵去到香蜜湖站,上到站頭俾個公安老點我地行相反方向,結果行多十分鐘寃枉路先到深圳JW萬豪酒店.

\

上到房!!嘩!!好大啊!!42吋大電視,厠所又有電視,三個女人夜晩仲一路浸浴一路睇電視添!!毎張床可以訓兩個人,又有大梳化同書枱,一個字形容哂 :「正」!!

快快趣趣放低行李就求其搵間野食醫左個肚,今次我地冇行返舊路,而係行去香蜜湖下一個站「車公廟站」.果度有條地下購物街,我地行左一陣就搭去少年宮站行書城啦!!

見個個坐地,兩個又有樣學樣!!收獲就阿女同表姐買左一本摺紙書同一大塔彩紙囉!!

行到好攰,而且已經入夜,加上阿女仲係唔舒服,於是就係書城入面間rbt食埋野就返酒店囉!!