盡慶的生日

自從阿女上左小學後,幾乎毎一年既生日都撞正測驗要温書.但今年竟然提早左測驗,仲要咁岩係星期日,終於可以有年生日玩到盡喇!!早前申請信用咭送左兩張海洋公園飛,加上我可以免費入場,淨係買阿女一張小童飛就可以一家大細入場玩,抵哂!!

一入到場我同大女就去左玩滑浪飛船,好彩預先用件風褸擋一擋,所以都冇乜點濕身,玩完仲食返碟魷魚鬚先.

上完條長長既電梯,睇睇海獅先,差不多隻隻都係度曬日光浴呢!!

睇完海獅,又係時候去玩機動遊戲啦!!先坐坐摩天輪熱熱身,再玩飛天鞦韆,真係盪到頭到暈呢!!

玩完有少少悶住悶住,所以去一去睇中華鱘.唔知係咪未運返哂黎,得果兩三條睇…跟住再去海洋館,多人到離哂譜,簡直係人迫人,完全睇唔到野!!

睇埋水母館諗住去搭纜車,不過要等一個鐘以上…梗係唔等啦!!所以就去左搭海洋列車---即係地鐵喇!!

過到黎山脚呢邊,睇完一輪表演節目,又去玩喇!!跳吓彈彈床,仲玩埋恨玩左好耐既七彩大氣球添!!

機動遊戲差唔多啦!!係時候去睇睇熊貓啦!!好好彩我地睇哂兩隻,呢隻係「佳佳」,食完一陣野好快就爬左入屋冇出黎囉!!

相反「安安」食完又爬樹,爬完又食過,仲痾埋屎俾大大家睇添,認真搞笑!!

睇完熊貓出到黎個天已經黑齊,所以都係周圍行吓,睇埋小熊貓同玩埋旋轉海馬,七點鐘走人.

連繼兩年食芝士火煱,今年改一改食吓中餐.Book左枱係尖咀東海食大閘蟹!!

我地四個人叫左三個餐.

先黎一碗魚翅佛跳牆,好足料,味道亦好好!!

跟住係主角登場---六隻大閘蟹排排坐!!

都ok大隻!!蟹糕都算幾多,好味

大女同阿女既至愛---蟹粉小籠包!!

蟹粉蒜蓉包---個包夠熱夠脆,大大匙蟹粉當牛油咁食,正!!

最唔好食係呢碟菜...

我地嗌多碟蟹粉炸雲呑.但原來係雲呑還雲呑,蟹粉還蟹粉,失望!!

酸辣烏冬都有少少辣.

薑茶湯丸都好好味

壽包當蛋糕

好開心今年阿女整左個鑰匙扣俾我做生日禮物.相比起呢份禮物,我更開心係見到阿女今次測驗可以回復返之前既水平,希望阿女可以keep住呢個勢啦!!努力加油!!