阿女@天文台開放日

因為下星期唔洗中英文默書,可以輕輕鬆鬆咁過返個星期日!!朝早先去左沙田拜姑婆,食埋晏晝兼影埋個Alice in Wonderland展覧先離開,去我地今日通識教育既目的地 - 香港天文台.

尋日同今日天文台都會開放俾市民參顴,沿住佐敦街坊福利會就可以到達入口.我地去到時雖然已經係最後一批入場,但一樣好多人啊!!上到去有好多職員都好樂意為大家講解各儀器既用途,學識左好多野!!

阿女起勢咁拍做乜??原來係自製地震波!!

上到去再等三四個字就入去香港天文台百週年紀念大樓.入面有天文台既歷史同各種舊式儀器展覧,好似個大氣球就係用作高空氣象觀察!!

阿女扮吓野做天氣小姐!!

呢個就係天文台用黎懸掛風球既地方,相信最掛得多都一定係三號波喇!!

呢位係現時既天文台台長-李本瀅

阿女好努力不停咁去問D職員(好似去廸士尼攞貼紙咁),終於俾佢集齊一套七隻既天氣家族公仔匙扣,睇吓收獲幾豐富!!