今個星期的大熱玩物,非這盒S.H.Figuarts限定古迦昇華究極形態莫屬.今次笨大一推便是兩個版本,仲要分魂Shop限定同東映限定.自己在落訂時亦考慮過究竟訂黑眼定紅眼呢?最後決定選揀黑眼,因為覺得比較特別,而且在配色上亦較配合此狂野造形.
Box Art & Packing
幪面超人古迦Rising Ultimate Form - 在Decade劇場版「All Rider VS 大Shocker」中首次登場.黑眼是受「地之石」所操控的暴走形態,而紅眼則是「地之石」破壞後雄介回復清醒的形態.
回説玩物本身,上色及QC非常滿意.身形比例比原設定瘦了少少.和TV版Ultimate Form比較,多了很多角形設計及金色塗裝,令本來帶點邪惡的造型増添了狂野及霸氣.
配件有九種替換手及地台.
活動能力方面,除肩膀的重甲設計令雙手不能水平線伸直,股關節有少許鬆,但整體問題不算太嚴重.其餘關節位則一貫S.H.Figuarts系列,採用二重及球體設計,可動範圍非常廣.
相信有留意行情的朋友,都知道這盒S.H.Figuarts炒到火紅火綠,由其係紅眼,第一日推出時,身價短短兩粒鐘暴升倍半有多,真係離哂譜!!對我來説,我就未曽後悔過入黑眼冇訂紅眼,因為紅眼我已留待給Ultimate Form了.(好像説是通販,而且一次過紅眼黑眼全齊,算笨大有少少良心.)
ANGUS先生 如果要你選一隻最好玩但又唔係限定既DHF 你會選邊隻 睇左咁多個POST想入隻平平地既玩下....
回覆刪除[版主回覆03/01/2010 21:47:00]如果唔係限定,可動又好既話,首選Another Agito,其次是IXA!!
好型...重好夠殺氣!
回覆刪除[版主回覆03/02/2010 09:04:00]有霸氣!! 不過而家唔好高追喇....
嘿嘿嘿...哩隻我都無入...
回覆刪除不過有好幾個朋友入左都話其關節很鬆...
[版主回覆03/02/2010 10:54:00]其股關節設計是類似魔童般可拉出,以増加可動範圍,但真係唔明今隻點解咁鬆....
都幾後悔冇訂到 !!妙得好金,中意都冇用,等6月出既 Ultimate Form 啦 大可以放心唔系限定
回覆刪除[版主回覆03/02/2010 19:15:00]隻Ultimate Form最好一出即買,眼見隻W同IXA唔係限定都炒!!
訂左wing form 未??
回覆刪除[版主回覆03/02/2010 22:41:00]係頑童訂左啦
呢d魂shop限定玩具係咪又係好似聖衣箱同神聖衣咁,唔訂就炒賣都飛起咖
回覆刪除[版主回覆03/03/2010 12:30:00]通常唔訂買現貨的話,個價都至少mark up30-40%
正常啦,依家真係老馮都訂,我就唔係頑童訂.見完幾個聖衣箱後,真係訂咗先算.
回覆刪除[版主回覆03/03/2010 16:39:00]我訂野就來來去去唔係頑童就超人,間唔中先去賊船.
第1天見到$480...覺得貴無買.
回覆刪除現在..........................我等再版算
anyway這隻算是頭3 名靚shf
[版主回覆03/04/2010 09:16:00]魂限定再販可能真係要等好耐,我都等緊隻神聖衣原色再販,奈何......
近來的玩具炒到痴晒線,開始有點力不從心了.
回覆刪除SIC又是這樣 , SHF又是這樣,本人各我好像有一邪惡力量操縱炒價.
大家開始要反醒是(需要)還是(想要)的問題了.
[版主回覆03/04/2010 09:19:00]近期既現像真係有D怪,好似要搶入玩具咁!!你第一二日買唔到既話,一係就捱貴貨,再唔係就直頭 冇貨....