未到7點就要出到去機場集合.
阿女上年去日本時有同呢舊野影相,今次又影,0吾明點解佢對呢舊野咁情有獨鍾.
架飛機9點起飛.香港導遊安排左窗口位俾我地,太好啦!!不過吾知架CX會有condensation,搞到阿女坐個位不停咁滴水,要用毛巾黏住個滴水位.
去到泰國機場大約當地時間12點.泰國時間比香港時間慢一個鐘.個泰國機場都ok啦!!有少少舊.
跟住就車我地去食午餐.不過都坐左差不多成兩粒鐘,成日塞車!!個午餐ok啦!椰青好好飲,個冬蔭功都吾係好辣姐!!
我地去既第一個景點係
暹邏大象園,先去睇猴子表演,係阿女眼中就真係幾好睇,跳火圈,跳刀圈,濳水,爬樹,認字等.但係我兩公婆就覺得好殘忍,成日用條鐡錬扯佢條頸.
睇完表演去坐馬車,都幾好玩!!阿女重走去坐0係馬伕旁邊~自己拎住條繩打隻馬,完全0吾驚!勁!!
坐完馬車坐大笨象,超震!!又有d臭,真係坐一次就夠啦!!
坐馬車同大笨象都要俾20銖tips.咦!!點解阿女換左衫??原因0吾講啦!!費時佢大個左打我!!
跟手就坐車去芭堤雅,返酒店.我地今次呢個團係住3星半酒店,初頭未去到都有驚,以為好cheap.去到間酒店又ok吾差喎!!食完晩餐後行左兩個商場,就結束我地第一日既行程啦!!
8月16日
7點半morning call,9點就去到沙灘,去到先知要坐身後果隻大飛,吾好以為好細架,我地成團30人全部可以上哂船!!重揸得好快!!阿女一上船就暈,好彩無嘔.
架船先停係浮台,俾我地玩降落傘.有一個圏同三個圏兩種俾你揀,我就揀左一個圏,因為未換泳褲吾想濕身,350銖.真係超好玩!!飛左上去望D景特別0吾同,正!!
玩完降落傘,又坐半個鐘大飛,因為逆風,架船好抛,好刺激!!去到
珊瑚島個沙灘好正!!水清沙幼,我地無玩果D香蕉船,浮潛.陪阿女玩沙同游水.係島上食埋個午餐,兩點鐘返酒店沖涼!!
好悪啊!!
沖完涼就出發去食High Tea,包括兩個椰青燉燕窩,一碗魚翅,再加個粉絲炒蟹,都係800銖.好好食!!之後就去古法按摩,包一個鐘,再加一個鐘就300銖.我同Ava都有加鐘,頭段按脚尾段按身.我就超舒服!!Ava就吾係啦!!按脚果陣鬼殺咁嘈!話好痛!!嚇到個按摩師吾知點好,佢已經好細力架啦!!但按身佢又話超舒服,好搞笑!!我地按緊摩阿女就打機,同其他小朋友玩.之後去食晩飯,一人一個菠蘿炒飯.0吾知係0吾係吹海風關係,Ava個頭好痛,食左阿女D藥,9點幾就訓覺,結束第二日行程.
8月17日
連續係芭堤雅玩左兩日,離開酒店出發去曼谷.第一站先去海味街買手信,椰子糖,魷魚干樣樣都有,買到你吾買.
跟住去
野生動物世界睇動物.
初初以為會坐侏羅紀果D籠車去睇,原來都係坐番架旅遊巴.又幾多動物睇喎!!長頸鹿,斑馬,犀牛,老虎等.
阿女口中所講既山羊博士
跟住園内參觀同食午餐
重睇埋海豚表演,撞正班鴨子團,所以全場爆滿.
五點幾去到碼頭,坐觀光船遊
湄南河,兩岸景色真係0吾錯.加上日落,另有一番景像!!
吾知諗セ？
鄭王廟
遊完船河出發去
Night Bazaar跳蚤市場,呢度好似女人街咁,專做遊客生意.
呢度有一間做獨市生意既舖頭,全Night Bazaar 得一間,佢影完相後,再立體化將你個樣整入去舊水晶膠度,幾特別架!!原價1900銖,講價750銖,我地都有整!!行完夜街返酒店,結束第三日行程.
8月18日
今日行程一個字講哂:Shopping.先去Central World.因為今日全日吾包食所以就係商場度食午餐.Ava係NaRaYa蝴蝶袋買左好多野!!(泰國賣D玩具超貴,5百幾一隻神話,25蚊先扭到一個係香港十蚊既扭蛋,痴線!!)
行完Central World,再戰
Siam Paragon.商場入面有個海洋世界,都幾貴,成港紙一百蚊一個人,所以無去.係門口影下相算啦!!
係商場食完日本野作晩餐後,去睇完4D電影,就返酒店.結束第四日旅程.
8月19日
離開酒店出發去我地係泰國既最後一個景點-夢幻樂園.
入場後先去玩
夢幻真雪場,入面得零下5度,好冷啊!!重冷過上次去太古城睇冰雕,影完相玩一次雪橇就走喇!!
之後就同阿女玩機動遊戲,同阿女玩左個轉下轉下既巴士機動遊戲重搞到我差D想嘔.我自己就玩左小型賽車.
之後週圍影0下相!!
巨人屋
去機場返香港囉!!
後記
其實重有去過其他地方:金三角蜂園,寳石城,皮具世家.睇個名都知係帶你去買野果D悶景點啦!!整體個團玩同住都ok,天氣吾錯,兩個導遊都吾錯,係食就麻麻地囉!唯一可惜係去0吾到最高果間PATTAYA PARK酒店食自助餐,因為香港導遊話之前有人食左吾舒服,所以吾肯帶我地去.阿女今次旅行都幾辛苦,海陸空三樣交通工具都坐到0吾舒服,降落傘又0吾敢玩,淨係得夢幻樂園先0岩佢玩,所以佢都話:[日本好玩D.](我夠知啦!!)Ava同我就覺得泰國係抵玩囉!!我地都係洗左3000蚊到.不過大家都有同一樣既評價,就係:秦國去一次就夠,0吾會再去啦!!
沒有留言:
發佈留言