超多人既迪士尼黒色世界

 為阿女預祝生日,一早就決定左19號晩去迪士尼.原本懷著興奮既心情出發,點知一去到欣澳站,即時心情一沈.

好多人呀!!係成個月台都係人,架地鐡重迫過返工!!阿女當然無為咁既情況影响心情啦!!重好開心話要快D入場添!!

排左兩個字終於係6點25分入場.

入場後即去攞巴斯光年fastpass,之後走左去玩小飛象.結果排左差吾多7個字.玩完已經到巡遊時間,個巡遊真係好好睇!!阿jack架車好大

,怪博士架車好靚!!正!!

睇完巡遊用9秒9速度跑去玩小熊維尼.

跟住夠鐘玩巴斯光年,我同阿女一架,Ava就負責影相!!

食左小小野又夠鐘睇煙花啦

又係9秒9速度跑去排[幸會史迪仔],排左成半個鐘先入到場睇,但真係値得去.個史迪仔講D gag 好鬼搞笑

之後走去玩旋轉木馬都差0吾多十點半.

因為之前都無諗住玩鬼屋,所以無專登去排.但係無同卡通人物影相就真係有D失望

不過0吾緊要啦!!阿女玩得開心咪得囉

玩完木馬就周圍影吓相,shopping.到十二點先至走

結束呢個又奇妙又好玩既旅程.

P.S. 係版面放左個夜光鬼魅巡遊,歡迎收看