再戰瑞記開倉

買左個玉桂狗廚房俾表妹同包扎辮俾阿女,Total $126,至於My Melody helloween斗蓬,File,間尺同盒Hello Kitty就換返黎既!!

S.I.C. 極魂 - 幪面超人響鬼

S.I.C.旗下既新Product Line - 極魂,以低價格及可動為賣點,頭炮Vol. 1為響鬼.早兩日行過黄埔間奇趣見到呢盒野出左,而且個價都算幾平,就係咁成為左我牛年既第一入喇!!

Box Art & Packing

由安藤賢司作造型,上色及QC均表現不俗.雖外形完全和SIC Vol.32一樣,但細緻度當然是比不上,如音叉音角及式神便只能作裝飾用途,全高約11cm.

活動能力方面,大部份均用上二重關節,手脚的活動範圍頗大,感覺甚至比Vol.32還要好,但頭部則只能作左右扭動,算是有點美中不足.配件方面除先前説掛在腰間的音叉音角及式神外,還有音撃棒收納及使用狀態的皮扣,替換手有手掌及握手各一對,武器當然少不了音撃棒烈火.

實在係一件又平有抵玩又有質素的玩物,配件多少少就更完美了!!不知下一個角色會出誰呢?我就想出五勇士喇!!最好五隻出齊就更好添!!

阿女&表姐@牛年年初三

今日去舅父同Queenie姐姐間新居拜年,都裝修得幾靚架!!仲俾隻大白兔兩表姐妹玩添!!

同埋婆婆一齊飲完茶就搭車去黄埔,未落冒險樂園前先去玩具反斗城做吓熱身運動先!

係黄埔間冒險樂園,緊係買套票玩三個遊戲最抵啦!!

玩完我地就搭車返出旺角影貼紙相同去食日本菜,最後仲去發記食埋甜品先返屋企添!!

阿女&表姐@牛年年初二

今日阿女同表姐訓到成十一點先起身,跟手就出去同爺爺嫲嫲飲茶,跟住就入去睇[老夫子45周年展覧.]

大家又認到幾多個人物呢?

阿女同表妹齊齊蓋返個老夫子印先!!

阿女讀書要繼續努力啊!!

有好多期老夫子睇

仲有原稿睇添!!

睇完老夫子,爺爺嫲嫲就過黎我地同表妹屋企度拜年!!三位表姐妹一路行海旁,一路玩由叔叔係北海道帶黎既[崖上的波兒吹泡泡]!!

送走左爺爺嫲嫲後,我地又返番青衣城睇「3D超級零零狗」,仲係睇要帶眼鏡既3D版!!個3D效果都幾ok既,仲好好笑添!!但係帶左眼鏡後個畫面會暗左少少.....睇完戲就返屋企等婆婆黎拜年.食飯期間婆婆講開要搞六十大壽,兩個仲鬼馬度扮記者訪問婆婆點搞添!!

阿女@牛年年初一

話説年廿九,我地係屋企打邊爐,其中有阿女最鍾意食既葱頭(即係入面有蟹籽果隻丸)吾知係咪吾乾淨,結果阿女尋日年三十晩食セ嘔セ,足足嘔左7,8次.....睇完醫生今日總算好番少少,但就吾可以食太多野喇!!

今日大年初一,照舊先去爺爺嫲嫲屋企拜年,到表弟黎時當然又玩一大餐!!之後就去契姨媽度,仲睇左套家有喜事添!!夜晩就去公公婆婆度,表姐仲跟埋我地返屋企玩左兩三日添!!

恭喜發財

牛年將至,緊係叫隻牛同大家拜拜年!!祝願各方親朋戚友係新一年心想事成,讀緊書既就學業進歩,做緊野就事事順景,最緊要係大家都身體健康!!

幪面超人零諾斯專用 – ZERO LINER

開倉價一入,毎盒$30,好抵!!Zero-Liner為蒸氣火車型的時間列車,乘客只得櫻井郁斗及天津四,有一列車箱,更可作二段變形.

Box Art

先介紹牽牛星的車頭,通常以牛頭形態登場,本身已有一定的戰鬥力.

按下按鈕鑽頭便會彈出,轉變成鑽模式,鑽頭上鏈後可轉動.車身後方有透明的駕駛席,入兩粒AAA電後更可發出如片中牛叫等四種音效.

輪到説織女星的一卡車箱,車頭貌似鷹.

將此車卡設為車頭,便轉換成薙刀模式.按下按鈕螺旋翼便會彈出,上鏈後可轉動.

隨盒更附送閃卡.

搞到有D衝動想買埋其他Den-Liner添!!