今個二月真係特別多玩具開倉,先是瑞記,繼而是被人彈到一文不値的賊船古董倉,最後則是上星期做兩日特價既頑童.上星期六放工後一點多,去頑童拿了三十多號籌,是次目標係隻紅金,特價三魚六草.初初都打定輸數諗住入唔到,因為只限售十八盒,三點半入場後即問仲有冇貨,好好彩竟俾我買埋最後一盒!!
Box Art & Packing
在二月初日本舉行的Tamashii Features展覧時所發售的會場限定版 - 幪面超人古迦 Rising Mighty Form(昇華全能型態).上色及QC均滿意.紅色外甲多了金色邊框,右小腿多了一片金色護甲,和Amazing Mighty(黑金)比較,金色塗裝明顯鮮艷些,但身上的古文字則有點模糊.
配件有九種替換手.
沿用黑金古迦的骨架,活動能力非常好,而且關節實淨.由其是股關節的二重設計,令擺Rider Kick動作更自然.
古迦真係零舍多限定,下篇將介紹大熱限定 - Rising Ultimate Form昇華究極版.
如款 Kuuga 的骨架跟普通版不一樣的嗎...?
回覆刪除[版主回覆02/27/2010 09:26:00]我冇普通版,但睇過其他report,應該一樣.
Rising Ultimate Form!!!!!! ANGUS兄你竟然買咗(到)哦?!?紅眼定黑眼? 呢隻紅金我都有買，下個星期應該會到手 而家我好頭痛呀，因爲隻究極古迦黑眼我一早就已經喺網上訂咗。 下個星期或后個星期應該會到手。 但隻東映限定紅眼究極古迦冇訂到呀 唔怕入貴...最怕冇貨呀 因爲我馬拉呢度只有一間玩具店有入[暈Shop限定]。老細又唔知有冇多貨wo......搞到每日都心挂挂 PS：ANGUS我想請問香港而家仲有冇[幽汽]呀?因爲我[暈限定]全齊(唔計未收到+未買到的究極古迦><)，只欠[幽汽]。而我5月7號會去香港，所以就想問你香港邊度仲可以搵到&到5月仲會唔會有咧?Thanks~(^^)
回覆刪除[版主回覆02/27/2010 10:41:00]我都係訂左黑眼!! 紅眼香港呢邊炒到好貴,最平都差不多要八魚,有D舗更高見九魚半!! 至於幽汽,係油麻地懷古角同信和頑童都見過,一樣唔平,要一隻金牛!!
呢款真係炒得好熱，我見到都嚇親，不過見你開盒質素好似靚仔~
回覆刪除[版主回覆02/27/2010 12:16:00]QC不俗架
Rising Ultimate Form 現貨好貴!!黑眼要成$650 唔捨得買!! 但真系好中意!!
回覆刪除[版主回覆02/28/2010 21:51:00]我一早訂左,所以唔洗捱貴貨
SHF越嚟越貴, 好彩無興趣.....
回覆刪除[版主回覆03/01/2010 10:51:00]我都係睇款先至買,一個月幾隻限定,真係吃不消......
出面賣幾錢呀呢隻?
回覆刪除[版主回覆03/05/2010 17:59:00]大約4魚中度
有運輸啡盒嗎?
回覆刪除[版主回覆05/08/2011 21:35:00]無啊