單看尋日各大Game場嘅墟陷情況,用「千呼萬喚始出來」形容Gundam Extreme Vs推出真係冇誇大!!訂咗嘅等攞貨,冇訂嘅炒價照入,有人為呢隻game出主機買joystick,各類情景尋日真係比比皆是.自己因一早訂左,尋日中午放低$560就可攞game走,而家相信冇六魚半都幾難搞得掂!!
今次行版一樣有跟Hi-nu Gundam DLC初回特典,尋晩玩完一輪,連線顏色綠,online對戰超順,完全冇lag嘅情況!!但冇得Voice Chat,有得話相信全場粗口滿天飛XD!!另外Mission Mode大把任務得你玩,耐玩度超高!!相信未來幾個月,我都會晩晩做刹那 :「俺がガンダムだ!」
唉, 我有同事一出即買628, 問我搭唔搭單, 我, 我, 唔捨得, 放棄左.....
回覆刪除[版主回覆12/05/2011 14:11:45]之前我俾$100訂,攞game俾$460.其實五百幾已經係公價,就算日後批大貨,都應該走唔甩5xx呢個數!!高達game一向個價都企得好硬,而家都要$638,加上黎緊又到聖誕,若見五字頭都好入了!!(早兩日見韓版都賣到$499....)
[AJ皇回覆12/05/2011 13:43:46]560$ 都好貴呀angus........,之前落訂要比幾多? 10日後可能有批大貨! 咁我再等等先
[版主回覆12/03/2011 12:58:23]傳聞十日後有批大貨返，可能會平返少少！