上年開幕撞正311海嘯災難,場内難免一片沉重氣氛...今年一如以往,第二年一連三日係會展度搞C3,自己選擇第一日入場,食埋個lunch同Wilson一同進場.
一入會場就俾八台『Gundam Extreme Vs Full Boost』吸引住,排隊試玩條龍都幾長我自己就無排(留返等PS3出吧)但現場所見好少人人用新機,可能個個係PS3操慣左掛.
睇左一陣就過去Bandai睇玩具,今年主要集中Gundam模型,聖衣神話及Figuarts Zero One Piece,而SHF,SIC,超合金魂及Robot魂就一律欠奉了,另外香港魂商店正式在4月20日開幕(http://p-bandai.hk).頭炮會有三款限定預定,自己就三樣都唔中,希望香港魂商店能爭取多些商品,等我可以出吓血啦!!跟手過去睇睇有無限定品,隻Dark Bunny一早係頑仔訂左,其餘模型又唔岩,慳返!!
跟住就去Playarts睇睇,今次入場其中一個目的就係睇吓有無Metal Gear盒Cyborg Ninja賣,果然估中有得賣,價錢合理之餘保證係正版,仲要有台座送,當然係即俾錢啦!!
目的完成開始慢慢逛,多左好多Booth播放新番動畫,大愛之一: Tiger & Buuny九月有劇場版,期待!!另外烙印戰士都好正!!
不得不提仲有大河原邦男展,呢個真係値得一看再看!!
今年第一日安排很少Show的表演,大部份集中在星期六日進行.從各大討論區不少人投訴大會安排不妥,甚至傳出職員賣籌等黒幕,希望下年可以搞得好好睇睇啦!!
沒有留言:
發佈留言