雖然搬左黎青衣住接近四年,但活動範圍一直只局限住所同青衣城.見之前表妹介紹青衣有個公園可以踏單車,又見天氣轉好,一於去闖一闖!!出發前先同爺爺嫲嫲係青衣城飲早茶及同姆明影吓相先!!
正式出發!!沿住青衣城對開既海濱長廊大約行半個鐘就到達「青衣東北公園」.呢度環境清幽,對岸望向荃灣深井,有單車租($30一個鐘)又有條安全單車徑,真係一個好去處!!
踏完單車行經長發廣場食少少野就返屋企附近舉行緊既「真君大帝寶誕」!!我地當然唔係對粤曲有興趣啦,有興趣既係戲柵周圍既街邊小食,款色真係五花八門,掃街隨時仲貴過你去茶餐廳食!!食飽飽返到屋企都六點幾,估唔到今日留係青衣都可以玩足一日!!
我都一樣，搬左去將軍澳住左年幾，活動範圍都係好有限，可能都未投入新環境有關..
回覆刪除[版主回覆04/07/2012 09:51:35]將軍澳我都好似去過一次咋！XD
Ha~我剛好同你相反，我係青衣由細住到大，住咗二十幾年，但我已經搬走咗。回想起青衣以前乜到無，很多設施都係最近十幾年先至建成
回覆刪除[版主回覆04/07/2012 13:38:45]哈哈！即係我搬得黎合時XD