趁著機戰熱潮未減,乘勢介紹早前入手的機械人玩物.三年多前魂Spec推出重戰機亞路加L-Gaim後,一直等待Mark-II的出現...奈何魂Spec久久未有消息之際,笨大便將重戰機系列跳船去Robot魂品牌了!!
Box Art & Packing
先介紹飛行模式,L-Gaim Mark-II是可變形HM,飛行時變形成飛機,有利移動及空戰.玩物方面接近完全變形,只需換上股間造型較大的飛翼及裙甲,屈膝令雙脚縮短,再加上附件扣實,調較肩甲及脚掌便完成,非常簡單!!
大型長炮可分別收納機底及右邊機身來呈現TV及劇場版設定.自己比較喜歡機底那款,有少少Macross的影子.
輪到機械人形態,比例約1/144,全高約21cm,比一般Robot魂高大.質感頗膠,塗裝算不俗,連眼珠亦表現出來,自己手多加上少少滲線可令其層次感更突出.另外如兩肩的手把位,頭髪等Detail位亦跟得幾足,整體外形是滿意的.
和Spec的重戰機亞路加L-Gaim比較,比例是有一點違和感.
配件有替換手八種及毎款武器,非常豐富.
活動能力方面,頭有三重關節.肩二重關節兼可連同兩側胸甲向前擺動,雙手可横向至水平位,手肘更多達四重關節.腰向前擺動的幅度大.股間二重關節兼可横向,但出奇地實令擺pose時有點困難.膝二重關節屈曲角度大,接地性亦非常好.
輪到介紹武器,盾牌可自由選擇裝備單盾或雙盾在手臂上以呈現TV及劇場版設定.
原設定收納於手腕的光劍,竟要換件才可呈現拔出狀態,有點多餘.
Power Launcher只有一支,附屬的膠管可將其與腰部的能源囗接駁起來,而且插得頗實,不怕鬆脱.
最強武器:長達25cm的Buster Launcher!!手柄和彈匡可連動作上膛狀,同樣地附屬的膠管可將其與腰部的能源囗接駁起來.
這盒L-Gaim Mark-II,大大盒多配件又可以玩變形.可玩性不俗!!奈何重戰機在香港不能算得上是熱門受歡迎動畫,不太多人認識以至産品好多時只能淪為死貨,真是可惜!!
我都好後悔孤注上次再版返貨無入到.....當時起碼有6盒.....結果現在唔知係邊買.
回覆刪除我成日係到諗, 如果所有機械人機戰角色都係sr合金出會點.....
但係起碼無咗合體同變形先, 現在robot魂起碼玩埋變形......
所以sr合金同robot魂係我的主力, 互保不足......
[版主回覆04/22/2012 08:59:26]好似接近$400
[魔王回覆04/21/2012 23:41:49]超級保羅霍特我買$320, 我接受到....都好過賣$380....
我現在玩得好開心, 同埋隻nu高達真係勁正.....
重戰機....188同旺角賣幾錢? 旺角超人店係邊? 我想買....
[版主回覆04/21/2012 16:50:34]呢架重戰機我係188同旺角超人店都有仲見到！
[版主回覆04/21/2012 16:48:35]超級保羅霍特ok啦，不過算幾貴，等佢平返少少至出手！
[魔王回覆04/21/2012 16:28:13]sr合金這部超級保羅特, 型就係幾型, 而且關節設計令佢高可動,
係接地關節同勇者王一樣都係差些, 可能外形上本身係咁樣無辦法.
這隻真係要幾型有幾型, 唯一最失敗係羅旋槳手臂上的柱口太大,
太鬆根本會甩出來!! 無論羅旋槳還是效果件都係實跌出來......無理由等佢出再版...想問如果我想用超能膠, 應該買邊隻牌子?
因為之前係日本城買了支塗在膠上會變白的......
我都唔知原來佢識變型, 型過高達好多喎坦白講
回覆刪除[版主回覆04/22/2012 10:07:05]佢個變型方法有D似Z gundam