幪面超人 Postcard Book

預訂左成兩個月,早兩日終於收到電話攞貨!!呢套為宣傳八月上演既Decade劇場版而推出既Postcard Book,由一號至Decade合共有26張.

Happy Halloween

尋晩阿女同表姐一身Halloween打扮,再次直闖廸士尼黑色世界!!

比起上星期,尋晩明顯多左好多人!!排宇宙深寒要排一個鐘,結果今次入去一間鬼屋都冇玩到.....淨係玩左三四個遊戲,同睇埋巡遊就返屋企囉!!

[PS3] – BAYONETTA

玩左成兩個幾月MH3,正開始覺得悶之際,剛剛好有新game出,時間岩岩好!!呢隻BAYONETTA個Producer係神谷英樹,自不然令人聯想到Devil May Cry,但玩落便發覺兩者分別好大.場景設計好得,而家玩左五關,可以話場場都有驚喜.雖然間唔中有少少lag,但無捐戰鬥時既流暢度.戰鬥系統超多變化,拳脚組合技多,又有召喚術同變身,要配出有效的攻擊真係需要花D時間去練習,另外一定要熟習按R2出Witch Time,呢招絶對係致勝既關鍵!!至於難易度都算幾高,加上我技術唔係咁好,玩Normal第四關打雙頭龍無記錯都好似continue左五六次.總括而言呢隻係必玩之作,但係而家只係得日版,所以要捱貴價,想等行貨既朋友可以等到十二月.但對我黎講,十二月我已經預留左俾另一大作 - FF XIII 了.

不過講到尾,隻game最吸引我既地方,一定係眼鏡娘造型既女主角!!

攻略網 link : http://bayonetta.gkwiki2.com/index.html

Robot魂 <Side MS> - OO Gundam Seven Sword

自從一年前買齊00四子後便再没玩過Robot魂,今次再次吸引我入市,同樣係來自00,可想而知我對Gundam 00有幾偏愛!!加上今次加入大量配件,實在係不得不買!!

Box Art & Packing

機體設定來自外傳「機動戦士ガンダム00V」,全身裝備上七柄劍,以肩上的大劍GNバスターソードII最謂養眼.

和一年前第一隻Robot魂OO Gundam比較,很多地方都是重新製作,如手脚的圓形透明位便由藍色改用原著中的緑色,高度比舊版高少許.面相亦比舊版靚,由其額頭上天線有軟膠及硬膠兩款作替換,而且更有透明部件.

只需更換膝蓋部件,便可轉換成原來的TV版形態.

活動能力方面亦有明顯改善,關節紮實,加大手腕位的屈曲角度,最感動是終於在兩肩加上轉動關節.

配件方面除七劍外,替換手有五種,膝蓋部件,天線,及GN Sword II的劍身配件,非常豐富!!

武器方面先介紹GN Sword II.除原有的兩款劍身外,今次加多兩款劍身.長身那款加入手柄,令轉換成鎗型態時可兩手握住.

至於短身有如匕首的劍身,只需在中間位置接駁部件,便可做出劍尖分離攻撃,而且鐵線更可自由扭動不同形狀,非常方便.

收納在膝蓋的GNカタール,附有伸縮手柄,但因手件用上軟膠,要緊握會有少少困難.

兩柄鐳射光劍當然是不可少.

來到最後一柄 - 大劍GNバスターソードII,附有七個可動位以呈現盾及劍形態.

平時收納在左肩上,用作護盾時可安裝在前臂,更有手柄位握住令整把大劍更加固定.

劍身不算太重,加上關節實淨,單手握劍亦全無難度.

裝上O Raiser後,更可變裝成 OO Raiser Seven Sword!!

之前隻ARX-7已得到不少讚評,估不到短短一年間,Robot魂的技術已有明顯進歩,看來Bandai真的落了不少誠意及心機在此系列上.來年Gundam 00的劇場版便會上演,四子的新機體亦已曝光,到時推出Robot魂時,不知技術又會進歩到何等程度呢!!