阿女生日@迪士尼黑色世界

今日係阿女生日,所以特登請半日假,等埋佢一放學就即刻搭車入迪士尼!!因為係閑日,成車得果十幾人,好正啊!!

一入去梗係先攞返個Happy Birthday襟章先,之後就開始去攞貼紙!!不過今日得好小款,攞左一大叠都只係得米奇,唐老鴨,高飛,Jack同埋Sally…..

跟住就玩今年Halloween既新遊戲「宇宙深寒」.對我黎講驚嚇指數真係得個零,阿女就話係行到尾有個女人訓係地伸隻手出黎果part最驚喎!!亦因為咁,阿女已經唔敢同遲黎既Ava玩多次喇!!

之後去玩史迪仔,可能因為阿女掛住左Happy Birthday襟章,所以就揀左佢問史迪仔問題,跟住又問返阿女住係邊,又問我識唔識煮野食,好搞笑!!玩多幾個機動遊戲,又到巡遊時間了!!

睇住巡遊同煙花,我地就搭Shuffle Bus去Disney’s Hollywood Hotel 食Buffet!!款色唔算多野食,味道並好一般,所以Ava話試過一次就算喇!!

返到屋企,食埋蛋糕,阿女又大一歳啦!!