各位睇完之前三篇D相,係咪發覺冇乜野睇呢??的確今年個魂show比上年真係差左好多,會場細唔在講,新展品真係十隻手指數得哂!!
今個Show最囑目一定係呢台1/35既RX-78 Gundam,真係好大隻,而且detail位亦做得好足.但要提一提有興趣既朋友一句,係無可動關節,only for display用途....
下個月出既超合金魂Getter Dragon,由股間開始是合金制,上半身則全膠,由其係個頭,膠得好梗要,搞到好似兩截色咁,有D失望.
大合金鐵甲萬能俠,高度同1/35隻Gundam差不多,頭部和手可動,下半身則殘廢.
隻夢戰士做得比想像中好,有D興趣!!
DECADE相信係S.I.C.有史而黎最核突既一隻,凹凸不平個面相好怪.
終於出埋奧丁神聖衣,北歐篇可以close file喇!!
輝火真係幾型,不過真係對LC系列未有興趣,所以都係睇吓就算!!
下個月出既S.H.FIGUARTS魔童好得,必入!!
今次會場賣既限定品不算多,仲有就係雖然話限定品毎人只可買三盒,金啤啤更只可一人買一隻,但眼見既係有人買四箱(係四箱唔係四盒)胸像同金幣,入面D職員仲幫果位買家抬貨走人.....又見有人一次過入兩隻金啤啤,職員話分單就得架喇......
今次收獲如下:雙子胸像係必買物,隻金啤啤就好好彩,睇住佢返左一箱新貨,一箱入面有六盒,除左中間果兩盒係完美盒外,其餘放係角位既四盒全部凹哂,仲要凹得好嚴重吓!!我就當然揀左完美盒啦!!不過究竟係班送貨工人唔小心,定係日本方面專登送D有問題既貨黎,就不得而知喇!!至於盒七劍就係行完去旺角買既!!總結今年個魂SHOW,真係搞得好冇誠意,展櫃得八九個,SIC及聖衣場景又欠奉,要行既話五分鐘一定行哂睇哂,希望下年再搞的話,會搞得好好睇睇D啦!!
沒有留言:
發佈留言