阿女&表姐@挪亞方舟

為左預祝阿女生日,加上又剛剛測完驗,所以今日就去左佢恨左好耐地方 - 挪亞方舟度玩喇!!

一入到場週圍都會見到好多動物架!!

挪亞方舟公開開放既一共有四層.我地先到LG既大地寶藏門口玩油彩先.阿女同表姐都各自劃左隻蝴蝶係手臂度!!好靚架!!

跟住就上1/F既方舟生命教育館,反思自己對生命既睇法.但對兩個小朋友黎講,當然係玩最實際啦!!

内裏其中一個玩意「大難淋頭」,阿女同表姐都超期待想玩!!玩法好簡單,就係是但拉一條繩,睇下會跌D乜野落黎,好彩既係波,唔好彩咪D水照頭淋!!結果阿女同表姐今日運氣都係好差.....哈哈!!

玩完1/F上2/F玩「珍愛地球館」,係俾小朋友更加認識多D地球既知識!!阿女仲答哂passport入面D問題,攞左份小禮物添!!

係入面間餐廳食完野後,就去佢個主題公園影靚相!!

跟住就去多媒體博覽館,(内裏唔俾影相)大致上係讓我地認識挪亞方舟既故事,有3D同4D電影睇~~不過今日都幾多人,所以都用左幾多時間係排隊上.....最後玩埋繩網就返屋企囉!!真係估唔到咁都可以玩足一日!!!