動漫節2010 - S.H.Figuarts系列

來到S.H.Figuarts系列,新品唔算多,展館入面放左幾隻俾你試玩,仲要係新出如EX Gill等,又有W個發聲地台,搞到我原本諗住唔入,玩玩吓都中左毒添!!

555上色及比例都做得唔錯

動漫節2010 - Gundam篇

未正式寫遊記前,先分享各系列的新品,先來Gundam篇!!今次瑞記整左個小展館,雖然要排隊,但都係等五分鐘,而且可以控制人流,行起上黎方便好多!!

初代青銅聖衣 - 天馬座星矢 (TV Ver.)

聖衣神話初代青銅聖衣天馬座星矢是在2010年6月發售.以動畫版最初登場的聖衣設定來推出,對於一衆聖衣神話Fans們來説,這款TV版天馬座可以説是期待以久.聖衣形態簡單得來,外形上亦不算太過失禮,上色亦十分好.聖衣裝著後,因為少件關係,玩起來反帶來不少方便,至少不用怕時常跌件.至於面相只屬一般,我還是比較喜歡他帶回頭盔多一點.

阿女@夏日孩子戲2010

繼上年參加過夏日孩子戲做話劇後,今年阿女再接再勵又參加!!

阿女＠書展2010

一年一度既書展又黎啦!!我地今年食埋晏三點先正式入場,阿女話要先入1館買低能系列先,仲俾佢見到馬仔公仔添!!跟住就輪到我地去3館買阿女D練習,小説同文具!!雖然阿女成日話累想自己坐吓睇吓書,但我就堅持要抖就一齊抖,一定要一齊行落去,結果唔覺唔覺行到八點先離場呢!!

S.I.C. Vol.54 – 幪面超人 Dark Kiva

輪到介紹Dark Kiva,相信不少人第一眼都會覺得它只是帝皇Kiva Emperor Form的倒模作品.無可否認今次SIC的Dark Kiva除頭部有明顯不同外,大部份均和帝皇差不多一模一樣,但就因笨大的威能下,身價便有天與地的差別了!!

手信

姑姐,姑丈同表妹去完日本旅行七日,為阿女帶來呢對鬆弛熊公仔作手信,表妹仲用自己既零用錢買左張貼紙送俾阿女,真係多謝哂!!

追星

原本今日冇乜節目,諗住行吓荃灣shopping,點知食完晏後,兩表姐妹突然聽到一把好熟悉既歌聲後,就飛奔左去.....原來係阿G.E.M.表演緊,今次係佢地第一次親眼見到偶像,都不知鬼咁興奮,G.E.M.仲同佢地揮手say hi添!!

S.I.C. Vol.54 – 幪面超人 IXA

世界盃完結,再没籍口不update「玩物喪誌」,連Hins兄都如此勤力,我亦要加把勁了.經過Kabuto系列的炒賣後,今回SIC Vol.54個價總算叫回復少少正常,入手不算太難.起初看官圖時一直只着眼於Dark Kiva,誰不知把玩過後,才發覺IXA至係今盒的主角,所以今篇先介紹IXA.

Box Art & Packing

IXA - 全名「Intercept X Attacker」,在劇中曾被多人使用,而用得入形入格一定非紅音也莫屬.今次SIC同時包含Save Mode及Burst Mode.在造型上修改的地方不算多,加大了兩邊肩甲,胸甲有金屬部件,令其聖騎士的外形更加華麗.

配件方面替換手只得三對,其中一隻更接合武器イクサナックル.至於腰間的六支笛子同樣不太穩陣,小心把玩.

活動能力方面,兩邊肩甲明顯影响雙手的可動範圍,而且接合位頗鬆.至於下身關節則大致和Kiva差不多.

必殺 - Broken Fang!!

換上頭件便可變成Burst Mode.

武器イクサカリバー可隨意轉換劍及鎗模式.

必殺 -「IXA - 神之制裁」!!

未知笨大會不會出Rising Ixa呢??希望不會像SHF以限定推出吧!!

阿女@學校嘉年華 2010

毎年暑假開始,學校都會搞嘉年華會!!阿女就梗係周圍玩攤位遊戲,而Ava就會去同老師傾計,總之各自各精彩!!

今年四年級,阿女成績算叫做不過不失!!次次都係上學期差少少,下學期先黎發力追!!下年五年班會有呈分試,要更加打醒十二分精神啊!!

原本考完試應承阿女買「Wii Fit Plus」,但阿女又話可以去姑姐屋企玩都得既,所以就買近期出既新「Wii Party」都幾好玩架!!有成80個以上既mini game玩!!

2010南非世界盃吉祥物 – ZAKUMI

星期六Ava係青衣城消費,有得參加抽奬,竟然抽中左呢隻9吋世界盃吉祥物ZAKUMI!!(呢個係二奬黎架!!)

講開今屆世界盃,我熱捧既荷蘭終於殺入四強,果晩睇佢贏巴西真係睇到好興奮!!今屆有咁既成績,已經算係超額完成!!黎緊對烏拉圭,應該冇問題掛!!到時如果攞埋個冠軍返黎,我一定再次出post慶祝一番!!至於另一邊,雖然好多人一開始都話西班牙勁,但總觀由分組賽到而家打入四強,都真係唔係打得好好,對住今次吓吓長傳玩突撃既德國,真係有小小危危地...希望黎緊西班牙可以打返水準出黎啦!!(不過真係有D難度,德國個勢太強了!!)如果到時又俾德國大炒,到決賽對荷蘭的話,以荷蘭咁既後防線,真係仲更加危上加危...不過話時話,比利魔咒真係好靈驗...

P.S.因世盃關係,以致玩物喪誌update異常緩慢,下星期會回復返正常架啦!!

下水禮

一早答應左阿女今日去游水,今次仲約埋表妹一齊去玩添!!

預購 Toy Story 3 戲票

超期待既暑假鉅片「Toy Story 3」開始有得預售啦!!平時我都好少咁早買定飛,但今次真係好想早D睇,一來因為等左成十年先出第三集,二來而家買飛有Files送架!!

7 1 沙田遊

原本今日咁熱,好應該去泳池暢游一番,但耐何阿女尋晩有少少發燒同幾聲咳,雖然今日好返好多,但都係等多一兩日,到星期日先去游啦!!所以就去左沙田,阿女仲主動話去拜吓姑婆,真係好有心啊!!夜晩返到屋企,就開隻「葉問2」DVD睇,真係好好睇,到最尾打鬼佬時,連阿女都睇到好鬼肉緊啊!!