星期六Ava係青衣城消費,有得參加抽奬,竟然抽中左呢隻9吋世界盃吉祥物ZAKUMI!!(呢個係二奬黎架!!)
講開今屆世界盃,我熱捧既荷蘭終於殺入四強,果晩睇佢贏巴西真係睇到好興奮!!今屆有咁既成績,已經算係超額完成!!黎緊對烏拉圭,應該冇問題掛!!到時如果攞埋個冠軍返黎,我一定再次出post慶祝一番!!至於另一邊,雖然好多人一開始都話西班牙勁,但總觀由分組賽到而家打入四強,都真係唔係打得好好,對住今次吓吓長傳玩突撃既德國,真係有小小危危地...希望黎緊西班牙可以打返水準出黎啦!!(不過真係有D難度,德國個勢太強了!!)如果到時又俾德國大炒,到決賽對荷蘭的話,以荷蘭咁既後防線,真係仲更加危上加危...不過話時話,比利魔咒真係好靈驗...
P.S.因世盃關係,以致玩物喪誌update異常緩慢,下星期會回復返正常架啦!!
原來你鍾意荷蘭隊~
回覆刪除[版主回覆07/06/2010 09:20:00]由中學識睇波已捧荷蘭
送個荷蘭女球迷比你啦~
回覆刪除[版主回覆07/06/2010 09:21:00]THX!!不過個樣麻麻地喎
今屆睇極都無興奮感, 無左當年睇古列治果種feel....
回覆刪除[版主回覆07/06/2010 11:18:00]當然無可能同三劍俠比!!但有返洛賓,成隊真係生左好多
荷蘭坐亞望冠
回覆刪除[版主回覆07/07/2010 09:33:00]Yeah!! 雲邦賀斯射既第一球真係好靚!!今場 荷蘭整體表現都係咁多場比賽最好,要好好keep住個勢啊!!!
雲邦賀斯果球係今屇第一金球啦,手放都放唔到
回覆刪除[版主回覆07/07/2010 09:46:00]仲要擦柱邊果吓先攞命!! 反而第二球真係 我都以為月位唔入,真好彩!!
決賽[荷蘭]vs[西班牙]，星期一應該好多人請病假
回覆刪除[版主回覆07/08/2010 11:08:00]我呢兩晩十點鐘就訓,較定閙鐘2:30AM起身,仲捱到..
哈哈哈~仲有兩場啫，捱埋就有覺好瞓架喇
回覆刪除[版主回覆07/08/2010 15:32:00]平時十點幾係我影玩物的時間 下星期起可回復正常了
終於都玩到最兩場, 真係好難估邊個高機會d, 兩隊都攻就超好睇啦
回覆刪除[版主回覆07/09/2010 22:59:00]八爪魚揀左西班牙,中左既話我要煮左 佢黎食