Happy Fathers Day 2011

今朝一早約咗爺爺嫲嫲去飲茶,飲茶期間姑丈去左郎豪坊排M&M refill大行動,可能因為係最後一日,條人龍排到好長....於是我就帶埋阿女同表妹接更,姑丈返到酒樓放低BB後,竟然走去買多三樽黎,連埋Ava同嫲嫲在内,六個人一齊講口號去攞細樽,好搞笑!!

排咗個半鐘頭加上六個人講口號,收獲好豐富呢!!

飲完茶去爺爺嫲嫲屋企玩,之後表妹話要跟住表姐去街,結果姑姐姑丈帶BB表妹返屋企攤抖,我地一行四人就去玩囉!!

考完試食乜都得,阿女又再去幫襯太子呢間自助雪糕機店!!

再上去新世紀廣場個公園,兩表姐妹玩得好開心啊!!

玩完就返爺爺嫲嫲屋企,再約埋叔叔一齊去青衣城新開間東海食晩飯!!呢家東海既野食唔錯,而且服務好好,値得推介!!