魂Shop限定 - S.H.Figuarts 幪面超人Accel Booster

早兩星期行開現時點訂盒龍王丸時,無意中在一舖見這盒SHF Accel Booster, 特價賣三魚有找,仲要有幾盒你揀兼有埋運輸盒,真係搞到我俾錢時問問老細是否打錯價,老細一句話「賣平少少想走哂批貨」嘩!!仲唔速速俾錢走人!!

Box Art & Packing

幪面超人Accel Booster - 於『幪面超人W Return - Accel外傳』登場,由照井得到葛木葵的強化增幅器變身而成.全身變成黃色,眼的部分覆蓋上黑鐵色的眼罩,裝甲配備噴射系統,能從各處噴射氣流令自身在空中飛行,擁有比平時的Accel及Accel Trial更高的攻擊力和速度.

今盒SHF一個注目點是附送多一個新規的Accel頭,比原先那個細及更合比例,眼罩的孤度亦比較接近原設.

回説玩物本身,素體沿用Accel改造而成.全身金屬黃及銀色的塗裝相當搶眼,胸,背,肩及脚跟的噴射裝置detail位十足.從外形計比Accel及Accel Trial更為有型!!

配件方面有十種替換手及武器Engine Blade.

活動能力方面,沿用Accel的素體,關節緊,可動性強,加上金屬脚,接地性良好.

武器Engine Blade和之前那柄一樣可開合.

必殺 :「Booster Slasher!!」

SHF盒Accel Trial個價仍然高企,除非有開倉價,否則都應該放棄居多...只好寄望笨大出在S.I.C.上呢!!