魂Shop限定 – S.I.C.幪面超人幽汽 Skull Form

S.I.C.出親歹角總令人愛不釋手,今次幽汽只需簡單的換裝,便展現出兩種截然不同的感覺!!上篇介紹完「邪・皇」的Hijack Form,今篇輪到「兇・亡」的Skull Form!!

換裝的配件包括:頭,肩甲,頸圍及左手.而替換手則有四種.

在劇場版「再見,幪面超人電王 Final Countdown」出場的歹角 - 幪面超人幽汽Skull Form『骷髏模式』,由異魔神骷髏強行佔用良太郎變身而成.

複眼,額頭及肩甲的骷髏彫刻,令S.I.C.的造型比原版更邪惡.而黒,銀的配色亦令幽汽更為陰沉.

活動能力方面,沿用電王系列素體骨架,關節頗實.頭尾的辮,頸圍,兩旁腰裙為軟膠製,方便活動!!肩甲令兩手只能舉到水平位,另外換上普通的左手玩上來感覺比機械手良好.

幽汽Skull Form專用武器,異魔神骷髏本身使用的專屬大刀.

必殺技為把鬼火纏繞住刀,再叩撃著地的衝撃波 – Terminate Flash!!

在戲中經常和New電王對決,佔戲亦比Hijack Form多.

電王四大惡人集結!!

今次盒幽汽我自己就非常滿意,黎緊兩隻W限定:CJ Gold Xtreme及T2 Joker,只是換色及加Effect Parts, 誠意麻麻.至於下隻S.I.C.就更過份,Gills無得轉裝為Gills Exceed,重出Another Agito仲要無左架車,笨大你想點呀!!(不過我都訂哂…)