尋日應該係全球Game迷最期待的一日,因為苦等10多年的續篇『Diablo III・暗黑破壞神3』終於推出!!尋日晏畫已見一同事抽住盒限量典藏版,真係又大盒又重手,上網一check價,已經由原價九百幾炒到上接受二千大元(可恨唔記得影張相)!! 佢一早係D信譽好既鋪度訂,所以就坐係公司等電話收貨.相反另一同事就慘囉!!係高登訂中文普通版,放工一心諗住可取貨,點知間鋪無貨俾兼退訂,焗住即時周街撲囉!!由尖咀掃去旺角都無,諗住死死氣買點數卡dl啦!!點知賣哂兼連個server都down埋...唔怪得今朝頽哂啦!!咁岩自己今日約人食lunch行188,見有新貨返仲要原價賣即call幫佢掃左三盒中文一盒全語版,佢地就梗係開心死啦!!係公司交收之餘仲俾埋張假紙請聽日假,話相約今晩要打通頂喎!!(講左咁耐,其實我只係一位速遞員,無份玩架!!哈哈!!)
哈....好玩嗎，有空來看北斗外傳之天下大亂鬥7？
回覆刪除[版主回覆05/17/2012 09:42:24]我無份玩架
我知有呢個系列,但唔知咁勁,得閒上網睇下片先
回覆刪除[版主回覆05/17/2012 09:45:05]其實我從來都唔玩PC game,因要無耐就要upgrade部機,好煩....
我真係唔識，只知炒到上天！！
回覆刪除[版主回覆05/20/2012 22:10:47]呢兩日問過朋友借個guest code係Notebook玩,真係唔多慣用電腦打機....