動漫節2012 遊記

今年除約左Wilson之外,仲連同阿豪,Jackey,Johnson一行五人星期六遊動漫節,好不熱鬧.佢地12點幾先入場,而自己因為要返工所以遲少少一點幾至入場.

之前五篇BLOG已介紹各大玩具生産商展品,今篇講埋其他花絮!!行完冇野睇既Bandai,對面孩之寶好多人圍showgirl影相,完全無視今次孩之寶既重頭作:復刻版六面獸!!咁就梗係啦!!廿年前既六面獸都唔知復刻左幾多次,今次加少少電鍍兼收人千二個大洋,個價進取都咁唔知有幾多人買呢??你話如果Bandai用千多元復刻以前既超合金如十五機合体,光速戰神等等的話,我就真係飛撲去買!!

再到Square Enix Booth見紅色Cyborg Ninja限定品,可惜sold out了...

跟住Jackey,Johnson走先(佢地一早入場睇左Hottoys先),我地三人行繼續周圍行睇電撃同Hottoys,仲影左少少cosplay相添!!

今年動漫節少左好多賣玩具既零售商Booth(唔計各大玩具生産商),眼見得一間權X及賊船,所以個價同街價差不過!!以前鴻興,精品,東京駅都有擺賣,今年冇哂執唔到平野...

最後,好耐冇見過動漫節有返港漫各漫畫家既手稿展,今年有這個展場真令我眼前一亮,希望來年再有多些展出,到時一定再來支持!!至於今年採取禁售限定品,報導話人流少左,又唔多覺喎!!單看Hottoys條預定人龍成十幾個隊餅就知啦!!我地四點幾走人時仲見要分流入場添!!