六年真快過・小學畢業禮

今日阿女學校舉行小學畢業禮,一生人只有一次小學畢業,所以話之你天塌下來,都一定要出席!!

原來六年真係過得好快!!呢六年小學生涯阿女都過得好開心,結識左好多朋友仔,學業方面亦算不俗,當然除左佢肯努力,我地兩公婆功勞都唔少架!!

除左畢業禮外,仲有鄧副校同陸神父既榮休,大家都懷著依依不捨之心情送別他們!!

畢業禮後跟住就去謝師宴!!學校book左帝京酒店食自助餐,都幾多野食架!!

今日對班小朋友黎講,亦係放縱的一日!!除左食野外,個個都揸住部相機,同朋友老師影相留念!!

P.S.阿女都幾識做,早一日已經同Ava聯手整禮物送俾老師.