曽經有朋友同我講「估唔到你都好數碼暴龍喎!!」,其實都係拜無記所賜.當年某日播放「我們的戰爭遊戲」時被奥米加獸吸引,便開始追看此動畫直到第三部馴獸師之王,而且又有PS同NDS遊戲,所以中毒程度頗深.而今次介紹的玩物是D-ARTS數碼暴龍系列的第五彈,人氣和奥米加獸不相伯仲的 : 紅蓮騎士獸!!
在第三部『馴獸師之王』登場由基爾獸和松田啓人合體進化而成的究極體:紅蓮騎士獸,亦是皇家騎士成員之一,其後更可進化成真紅蓮形態!!
Box Art & Packing
玩物方面,包裝和上一盒奥米加獸差不多大,全高約16cm,全膠製.原本銀色的主體没加入金屬或珍珠色,令出來的效果如同灰色,加上其餘各處的金屬塗裝不多,令本身威武的外形失色不少.
幸好面相的塗裝非常出色.
配件方面替換手有四種,用作裝備聖盾的左腕,披風及地台.武器則有聖槍及聖盾.
活動能力方面,除胸腰的可動性較強外,其餘位置均只能説僅僅夠玩.雙手因肩甲不可動,阻礙横向不到水平位,股間只能屈至90度,横向幅度亦相當少,加上形同虚設的脚踝關節,接地性非常差(我大部份相都要用支架或披風頂著才企穩).慶幸各關節實淨,後髮有ball-joint及二重關節,披風分成兩部件,可動的自由度好大,但整體表現比前作奥米加獸仍然是頗失望的.
印象中紅蓮騎士獸未曽試過徒手戰鬥,今次可以借玩物實現一番.
幾乎毎次出場均已裝備武器聖槍及聖盾.聖盾需要換上專用左腕才可接合.聖槍聖盾看似巨大,幸頗輕身,所以不為關節帶來太大負荷.
必殺技有皇家救星,皇家之劍,紅蓮劍.
因定價太高加上可玩性低,笨大似乎又再自己玩死一個系列了.看除奥米加獸外,其餘款色皆淪為死貨,恐怕今盒紅蓮騎士獸是此系列的最後之作...又或好像SDX般只在魂限相見吧!!
個價錢真係好貴
回覆刪除特別係奧米加獸 ！
[版主回覆11/01/2012 09:53:23]奧米加獸曽有段時段跌到落三字頭,不過好快又回升返....
哇,中毒中毒,我有D想去睇數碼暴龍
回覆刪除[影軒,之翔回覆11/04/2012 19:17:40]Angus兄!我又新影左NEW電王,入來比D意見LA^^
[版主回覆11/01/2012 21:27:33]睇到第三部好了,第四部唔多好睇....
哈,大哥,我都買左,好彩價錢唔算貴!
回覆刪除而我評價係 睇=100分,玩=55分,講完~
[版主回覆11/04/2012 12:10:16]型又有真係幾型既
我都有買,評價同以下人兄都係一樣,
回覆刪除脚踝關節好差,可能"笨大"送台座就係為解決呢個'漏洞'la...
[版主回覆11/04/2012 12:12:03]若好似SHF咁可拉出少少已可解決,耐何......
隻紅蓮真係抵買
回覆刪除搵左奧米加獸好耐衣家邊度都無賣..
炒價又貴
[版主回覆11/26/2012 19:18:19]其實都幾難,話哂成個系列都幾死下,不過笨大再販野好難估的!!
[Shane回覆11/26/2012 19:05:42]等墮天出爆裂形態
戰鬥暴龍同奧米有機會再販?
[版主回覆11/26/2012 19:01:59]只好等再販