海洋堂 Revoltech – Monster Hunter 蒼火龍裝男劍士

睇返以前既report,原來對上一次介紹Revoltech已經係兩年前推出的胡廸與巴斯光年,今次再玩完全是因為Monster Hunter.記得之前3DS出Monster Hunter 3G 時曽連同千値練推出海龍裝男劍士限定版,但因價貴兼評價一般放棄.今次輪到海洋堂Revoltech 推出Monster Hunter,價平兼玩味十足,而且更是一連推出兩款男劍士,分別是雄火龍裝及蒼火龍裝,Monster Hunter Fans自然是不容錯過呢!!而基於限定心態作崇,自己先選購蒼火龍裝,待雄火龍裝跌價才補入吧!!

Box Art & Packing

全高約14cm.造型上完全展現出GAME内的設定.蒼火龍鱗片,鎧甲上的細紋,腰間的小皮包均非常精巧,各處陰影及舊化上色亦無從挑剔,而且上了消光,完全没以往山口式光澤兼黏手的感覺,另外圓球關節亦算隠藏得頗好.以如此身價,無論造功及上色絶對可以用驚嘆來形容.

配件有替換手八種,特效件地台,支架及兩款武器.

活動能力方面,全ball-joint式關節,接合位實淨,任扭任屈,相信無需懷疑其可動性.可能近年玩慣SHF,對Revoltech的關節設計有少少玩得不順暢的感覺,但當扭到一個型仔pose時,又有另一番滿足感呢!!

輪到介紹武器,先是イフリートマロウ(片手劍及盾).本身片手劍是不能收納在腰間,我只是寶貼黏上去,盾圏著手位剛剛好,不怕鬆脱.另外査過遊戲資料並無利用蒼火龍料作成片手劍,所以不要以為是海洋堂懶不去改色呢!!

接著是煌剣リオレウス(大劍),有ball-joint接合可收納背後.全長約18cm,出奇地輕身,手握位亦非常緊,完全可揮動自如!!

身為獵人,毎次見面打招呼是必要的禮貌!!

通山走採集礦石蜜糖是獵人必要的任務之一,當然最怕就係收集魚肝,釣黄金魚呢!!

狩獵成功梗係要跳返part舞慶祝下!!

最怕就梗係任務失敗!!

絶對値得推介給各Monster Hunter fans,若果配合之前推出的盒蛋武器set就更多玩法,期望海洋堂能將其系列化,推出更多Monster Hunter裝呢!!