[PS3] - Kamen Rider Battride War

話説當初這隻｢拉打無雙｣: Kamen Rider Battride War一公佈已即叫仁哥幫手留隻行貨限定版,誰知臨Game出前一個星期代理至通知因内裏歌曲版權問題而取消行貨,今次真係game舖,game迷及拉打fans均被玩,咁只得日水兼落唔切新order下,星期三偸跑首日炒貨在所難免,而仁哥都真係唔話得,雖然日限缺貨,但首日仍然以友情價俾隻日普我,等我唔洗週街撲捱炒貨,真係要俾十個like你仁哥!!

而普通同限定分別除左封面唔同外,限定亦包括了30首拉打主題曲在内,可以一路玩一路聽(但只是TV ver.長度,即得半首,而且食死係game入面,非多一隻CD附送.)幸好game可於選角時匯入自家mp3,所以普版缺歌問題即時解決!!

推介大家這隻年多前推出的精選專輯「Kamen Rider Best 2000-2011」,包含由古迦至OOO的OP,ED,劇場版,連劇中插入曲多達40曲目,之後再找埋Fourze及Wizard的主題曲,自家製限定版的補完計劃便大功告成,可以一路打機一路聽歌喇!!